網上識既朋友係唔係多數有企圖呢..討論下..謝

唔排除網上有人為著各自目的立心不良,隔著網絡我們會覺得好似安全d,所以戒心會少d,先會比人有機可乘。不過我覺得隔著電腦對方都係一個普通人,識個朋友絕不為過,如果有心又岩傾,當然有機會做到朋友啦。最緊要識得保護自己,無人叫你識人唔夠兩星期就見面甚至跟人返屋企嘛...朋友係要互相了解認識先係真正的朋友,要識人就用多d時間去了解對方。

通常有以下3種其中一種特點先會識網友:
1.男校
2.女校
3.本身自己朋友唔多,想識多d朋友又唔想去參加活動
如果合乎1,2其中一點既話9成係好人
如果係第3點就有所保留,因為真係會有如你咁講"如果係一個好人又駛咩係網上識朋友呢?"
再加上本身既環境已經可以接觸到同性異性,照計亦唔會覺得朋友難搵
如果咁都仲要識網友既就真係令人懷疑到底係咪好人
唔會話人人都有企圖,絕大部分都係想識朋友居多
但現實係無論家長,老師,定社會都對網友不反對,但是卻不鼓勵。
某程度上,可能網友既價值比現實中既朋友更高,因為有咩事講唔出口都可以對網友講,完全唔需要顧忌。
"路遙知馬力,日久見人心。"單憑呢句就可以判斷邊個係想識朋友,邊個係有所企圖,不論現實網上都是一樣。

我覺得唔係個果人都係有企圖的..
都係因為係悶先想識下的fd..一齊傾下幾
有的人係好人..但係人緣唔好所以先係網上識fd
我自己都識過好多網友有男有女(見過面)
但係佢都幾好人..自己相識好多年的fd我唔咁肯定佢地係好人
因為我自己都有識好耐的朋友..但係當我有事佢地一的都幫我唔到
如果你欠人好多錢佢幫你還..有咩事都同你講..你有事佢第一個出黎撐你.
你唔開心佢會哄你..等等呢的先係好的朋友...如果得把口..
到真係有事佢地又會唔會出黎幫你手呢...
你想識多的人唔會係有企圖架....有好多人都想識多的fd

我諗網上識既朋友多數不會有企圖的,大多數人都係想識多d朋友,增廣見文.又或者係外面好難先識到朋友.
我個人認為網上識既朋友係因為悶.
如果想討論的話可以用e-mail or msn 一齊傾下... ...
MSN, [email protected]
E-mail, [email protected]
(張家樑-1993) ^^