"中國中鐵"一問

講真好多上咗市的國企的話事人咪又係大陸政府，所以加上有國策支持基建發展等項目，應該可睇高一線，仲有好多幹部啲親屬咪又係啲國企啲管理層及大股東，所以公營根本無影響佢應有的爆發力！無理由啲幹部，管理層及大股東唔想賺錢嫁，係咪！？

另外中鐵唔應該同香港啲公用股去比較，事關香港的公用股，例如睇吓中電，香港的電力市場可以話係成熟到無咩增長，個market share及market potential已經定哂型，你住邊就用邊間電力供應商，Fix死咗個餅！就算地鐵有錢賺都係好依賴佢嗰啲上蓋地產物業咋！

亦可從以下方向諗！

1.新股中鐵工程(0390)值得抽嗎？

一定值得抽，中鐵可長揸，因為在中國，鐵路路鬼長度per人口的比率仍然遠低於其他發達國家，仲有好大增長潛力，你參考吓中交建的股價就心知喇！同埋好多富豪會買！

2.值得長揸或短炒？

唔係好等錢洗的話，可長揸！

短炒爆炸力係有，但最好上市日價啱就放，唔好等太耐！

3.只股既做鐵路，又發展地產(手上有41項發展中的項目)，又開礦---金礦、兩個銅礦(剛果)，礦業正在耕耘期，2008年才開採成功。會不會業務太分散像(656)？

未必會，李嘉誠所以敢發都係同佢可以將生意分散，例如：百佳，屈臣士，貨櫃碼頭，地產，電訊，石油...等等，佢都撈哂，這樣可將個別行業的週期性風險分散，不過當然唔應該去太濫做，會賺錢的行業先至好參與，這就是管理層的功力！

4.今年九個月只接到去年80%的鐵路工程，會否本業欠佳？

睇短線的話，你可能啱左一半！雖然只接到去年80%的鐵路工程，但起碼仍然有新生意呀！舉例：好多美國或歐洲的鐵路工程公司，幾年先接到一單新工程，平時都只係做吓維修咋。你自已衝量吓！

5.上市P/E31倍，會否太高？

好多人以為PE高係一定壞事，其實唔係，Price/Earning Ratio (PE) 雖然係用股價/盈利去計，但這只是用現在及未來一兩年的預側業績去做評估，其實讀過吓Finance應該知道，PE 其實亦反映了間公司的growth rate 即是增長速度，生意會唔會越做越大的指標！其實去分析PE係咪太高，應該與同業做比較，Apple to Apple, Orange to Orange！中鐵合理估值介乎1256億元至1479億元，公司08年預測市盈率為31.1倍至36.6倍，如果用中交建作為近似的參考，較影子股中國交通建設 (1800)約40倍略低，仍有折讓。其實咩係平(低PE)？咩係貴(高PE)？只係相對的問題！

6.為何中交建(1800)能專注本業，中鐵工程(390)不可以？

你應該去分析吓間企業係點去找尋及發展新賺錢機會，而唔係諗佢夠唔夠專注本業，事關專注本業亦未必係好事！又一句李嘉誠金句：企業應該從發展中達到穩健，穩健中找尋機會！所以從我們小投資者(股本受益人)的觀點去睇，只要新發展的Project係有錢揾的，飯數多少少，行業濫少少亦未必一定係壞事！

u don't know what you are talking...

呢只股係好嘢, 經濟一週都推介, 有5星架(5星為滿星), 都好多好勁既投資者都認購入呢只股度, 又有禁售期, 你抽到又揸長少少都唔怕啦, 最怕係你抽唔到啫, 岩嗎?