日本東京七日自由行

10月18日我去了東京自遊行，住池袋太陽城太子酒店(上次住新宿，又貴又細)，其實池袋唔錯，那間酒店乾淨又闊落，雙人房HKD1,000。而且在機場有巴士直接去到酒店門口，很方便。

池袋太陽城有一地下街，好大好多店舖，仲有雪糕城。可以玩足一日。
池袋有三越、東武、西武、PARCO等大百貨公司。
(我無去到原宿、上野、御殿場)
我去箱根小涌園溫泉樂園(Hakone Yunessun)，那裡要穿泳裝，隔離森之湯就唔可以穿泳衣。

以下是我的行程:

第一天:
Limousine bus to Sunshine City Prince Hotel
(利木津大客車 往 池袋太陽城太子酒店)

巴士站設於成田機場一樓出境大堂門前，而由東京市區至機場，則會先停三樓第二旅客航運大厦，終結為四樓第一旅客航運大厦。

從成田機場到東京市區：
在成田機場(總站一或二)的入境大堂Limousine巴士專設柜台購票，一辦完入境手續，出黎就見到巴士柜臺(成人yen3,000，小童yen1,500)。如果備有巴士票之旅客，將巴士券交給接待員並說出欲前往的地區，服務員便會為你預留下一班到東京市區之巴士座位。車程約85分鐘。於太陽城太子酒店門前下車。
往池袋車站號碼：(客運大厦/terminal 2) 3號玻璃門出，找17號車站。\ (客運大厦/terminal 1)10或1號車站。


從東京市區到成田機場：
旅客必須提早於出發前一天在下榻酒店之服務台購票或辦理預約手續，乘車時再將巴士券交給駕駛員便可，或可選在東京都航運站(T-CAT)的機場客車服務柜台辦理預約手續，將巴士票交給接待員預留下一班到機場之巴士座位，在(T-CAT)同時又可辦理登機及行李寄存手續。

從太陽城太子酒店門前開出往機場(跟下車時相同的站)時間表:
0920 1020 1120 1220 1320 1350 1420 1520 1620 1720

利木津巴士網址:www.limousinebus.co.jp/ (有中文版)

大概85分鐘就到。5:00pm到酒店，之後在池袋行街。池袋市容比新宿好。旺得黎無咁品流複雜。

第二日:
到東京迪士尼
由池袋去一定要經新宿，so我地乘JR山手線(青綠色線，5or6號月台上車，8分鐘到新宿,YEN300)，由新宿有2個方法去disney：

1. 乘巴士---新宿站新南口出(高島百貨出口)，右手邊即見JR Highway Express bus 的 office，自助買票，有staff 幫你。yen800，60分鐘到，先到 disney sea再到 disneyland，時間表: 0640, 0710, 0740, 0810,0840,0910,0950。
回程就在下車處等車，然後買票，時間表:1610, 1845, 1930, 2030, 2050,2110,2130，在disney sea 開車，10分鐘到disneyland

方法2: 新宿乘JR中央線(14分鐘YEN380)到東京站，再轉JR京葉線 (15分鐘YEN210)到舞濱站，步行幾分鐘就到

第三天:
到箱根溫泉樂園玩和買手信，很好玩

箱根小涌園(Hakone Yunessun)

買票：新宿車站「西口」上一樓之外側的「小田急服務中心」購買前往「箱根湯本站」之車票。那裡STAFF懂英語。招待我們的STAFF更懂普通話。

車種：特急(即快車)又名浪漫列車，車資￥3480，有指定座位。1號月台上車，可預訂車票，最遲可於開車前15分鐘購票。每小時分別於00分及30分開車，需時1小時22分到達終站(箱根湯本站)。

普通車(自由席)，車資￥1570，5號月台上車，每小時分別於01分﹑11分﹑31分﹑41分開車(只供參考)，需時1小時46分到達。
注意：往小涌園一定要坐前六卡車廂，因為第七至十卡車廂以「小田園」為終站，並與列車脫勾，只有前六卡車廂繼續往小涌園。

到站後交通：到達「箱根湯本站」後要轉「箱根湯本登山巴士」前往「箱根町‧元箱根」方向或「湖尻‧桃源台」方向，至小涌園「Yunessun前」站下車。約25分鐘，車資￥560，上車時取票，下車時司機會替你計算車資(小童半價)。此巴士在7時前每隔10至15分鐘便有巴士開出，惟7時以後便要隔30分鐘以上才有巴士開出，越夜班次越少。

下車後過對面，有一座歐洲式建築物，見到YUNESSUN大招牌，沿石級上就到。

YUNESSUN隔離的森之湯不可穿泳衣。YUNESSUN有一間意大利菜館和一間大超級市場。

網址:www.kowakien.com.tw/ (有中文版)

第四天:
在池袋Shopping，池袋有三越、西武、東武、parco等大百貨公司，UNIQ都有。而sunshine city 地下街可以玩足一日。池袋的貨品比新宿平，我在三越買了20條burberry絲巾，yen1000至yen2000(未計稅)。買滿yen10000以上，出示passport可以即時退稅。池袋60通(街名)上，有間大藥房Matsumoto Kiyoshi，三層咁大，許多護膚品，貨品之多，有D做特價好平，比新宿「龍生堂藥房」平。

第五天:
行新宿，在歌舞伎町一番街的博多天神拉麵店吃拉麵，HKD35有交易，包你話好食。附近有間生果店「百果園」，生果平靚正，可以即吃一串串的水果。百果園對面就是Fancl House。新宿JR站內四通八達，有很多店舖，價錢合理，一件短褸YEN8000左右，簡單的襯衣約HKD200。總之可以行到你腳軟。

第六天回港。

東京買 Burberry 真係平d，around 25-30% 左右。日本只有Blue Burberry (for Lady)，而Black Burberry (for man)。咁你可以去銀座睇睇，因為有一座Burberry的building，有around 7層高左右。
東京的burberry (blue label)專門店
1)首選當然係最大的銀座Burberry Ginza 旗艦店,
地址:東京都中央區銀座8-8-9 (11:00am - 20:00pm)
2)原宿的Burberry blue label house,
地址:東京都涉谷區神宮前6-18-12 (11:00am - 8:00pm)
3)原宿的Burberry black labe (男裝專門店),
地址:東京都涉谷區神宮前6-18-1 (11:00am - 8:00pm)
另外除以上的專門店外,其實在新宿,涉谷,池袋等地的大型百貨公司內都有burberry的專櫃,如
1)新宿的伊勢丹百貨的2/F & 3/F(BLUE LABEL),
地址:東京都新宿區新宿3-14-1 (10:00am - 8:00pm)
2)涉谷的0101百貨的1/F(女裝袋), 6/F(男裝), 7F & 9/F都有,
地址:東京都涉谷區神南1-21-3 (11:00am - 9:00pm)
3)池袋的西武百貨的2/F亦都有BLUE LABEL,
地址:東京都豐島區南池袋1-28-1 (星期一至六10:00am - 9:00pm,星期日及公眾假期則至 8:00pm)
你亦可參考burberry 網址: www.burberry.com
不過無論你係邊度買都唔梗要,最梗要係買滿 10,001yen記得要去退稅呀,可以慳番唔少錢架...
DHC我見東京的便利店都有得買，不過無留意是甚麼產品，是化裝護膚品or其它產品！但係我有無見到有DHC的專門店wor！Facel一定平過香港，一定有專門店，不過大型商場都有得買！

Anges b 日本會平d，比香港平20-30%左右，咁就around $1200。咁我有無留意是made in japan or china wor。but 有d款是香港無的。我上次陪女友買，其中去左涉谷/新宿(唔記得邊到)買anges b袋，d 售貨員都無話可以減稅，亦無話教我地。但係我地去左台場個邊買，個售貨員話可以幫我地即時減稅，又可以節省d錢la。

好多人鍾意買袋，如 : blue label burberry、head porter tokyo、anges b銀包等，都平過香港的。有一樣野提下你，PORTER的正確名是..Head Porter Tokyo，而不是Porter International，香港買的大多是Porter Int'l是跟風牌子。手信可以買遮、襪、玩具同食物。另，有些化妝品、護膚品比香港平。
我淨係去過東京，唔洗識日文，都唔洗特登去學，你只要拿住本地圖去行，又沿住JR or 鐵路線的站去shopping就可以！不用擔心！如有問題做手語，比副相日本人睇就明la！另外，當地都有好多華人(中國人)，所以你可以用普通話！
你上網睇下國泰假期la，可以比較一下，都有機票&酒店訂(會show 明幾$$ & total package 要幾$$)！又有起程及回和時間比你選擇！你可選擇3-4星酒店，價錢平d，3-4星酒店都OK舒服！不過你是明年去，都應該未有價錢出到！其實你如果經其它agents去book CX的機，其實價錢真是一樣，可能agents可能會貴左。真人真事，我上次問一些agents的自由行package，同樣的天數、酒店和航班，結果是一樣，不過有唔同的地方，是經CX (國泰假期book)的是包每天早餐，而經其它agents book 的是不包早餐。如果你要平的話，你可以經JAL/JL (日航)book，好似平過CX，當然la，你經JAL/JL是坐番日航的機，不是國泰機la！

築地要一早去，因為只開早上，我上次去，是休息，想去築地試下新鮮海鮮，邊間都無所謂la，見到好咪食lor！其實築地，我個人來過雖然去左，但無開，但我覺得同普通的魚市場無乜特別，而且附近也沒有特別野行，所以去築地的話，是特登淨去築地，如果你無乜時間可以不理！
東京築地市場（Tsukiji Ichiba）
是東京最大的魚市和蔬菜批發和零售市場，又稱“魚河岸”，正式名稱為“東京都中央批發市場築地市場”，建於1935年，日本人稱其為“東京大廚房”。“魚河岸”源於江戶時代，意為緊鄰海岸的鮮魚市。築地市場是為東京供應生鮮食品的巨大的集散地，占地23公頃，每天經這裡批發和流通魚肉蔬菜水果多達4,000噸，交易金額達30多億日圓。
●築地場外市場
　　築地場外市場顧名思義為築地市場外圍的市場，是面向一般市民的零售市場，在緊鄰築地市場的大街小巷裡集中了上百家海鮮店、蔬菜水果店、日式餐飲店和雜貨店等。這裡有不少物美價廉的日本料理店，旅遊來此不妨在東京市民的“食街”品嘗一下東京的傳統美食。

中央區築地5-2-1
地鐵日比谷線築地站下車徒步8分鐘，都營地鐵大江戶線築地市場站下車徒步3分鐘。
築地市場：
場內交易市場：一般5:00-11:00。　休息日…除元旦前後休息外，一般星期日和星期三休息。
市場內餐飲店：一般9:00-23:00。　休息日…除元旦前後休息外，一般無休。

涉谷都應該要去la，因為真係有野行&買！另外銀座，我覺得唔去都得！Uniqlo, Fancl House, Anges B, Burberry, (blue label only Japan can buy it) 的價錢是平過香港。你可以沿著JR線，去原宿&涉谷&新宿多d款，六本目都好似都幾好(聽人講)，銀座好貴&少野行。另外你可以去上野(JR御徒町站)，好多野食買，大大包，又平，可以買來作信，另外上野有一條叫亞美橫丁的街，有好多野買，好多野睇，。到原宿的竹下通又是有好多特別東要買。原宿的Uniqlo都幾好，平、靚、正，HK$70-HK$100件T-Shirt，d質地好過香港Uniqlo。
我個人覺得，如果你是買衫、食物和雜物的話，不如用多d時間在原宿&涉谷&新宿，因為多d野行。另外，如果你不買Burberry (blue label)的話，不如唔去銀座，因為銀座d野貴少少，而且大名店，好多在原宿&涉谷&新宿都有。你要記住日本的鋪頭、商場大多是08:00pm已經關門，所以我建議你不如行左鋪頭、商場先，然後去食野，因為食市大多都會收好夜。如果你去d大商場，可能有得減稅！
迪士尼都去唔去，好視乎你點睇，但始終大過香港，不過一定用左你一日！我上次都係去左Disneyland，無去海洋迪士尼個邊！
嚴格嚟講係要喺同一日喺同一間店舖購物滿 10001 yen 就可以退稅.
不須要一張單計, 而Credit card一樣可以退.
通常一般百貨店的辦理退稅櫃檯都係設於比較高嘅樓層, 同百貨店嘅服務counter相連.
為方便外國客人, 通常都會用英文"tax refund"字樣.
退稅手續十分簡單, 只須將 passport 及單據交給服務員, 佢地就會幫你辦手續, 服務員其實係會幫你填一張 form 然後將 form 貼喺你本 passport 到, chop 個印仔, 整個過程大約 5 分鐘左右.
而喺離境嘅時候 custom or immigration officer 就會收起嗰張form.
除咗百貨公司同大brand之外, 一 D 大型電器店, 如 Bic Camera, Sakuraya...嘅電器店都可以做退稅
為免失望, 最好購物前問清楚邊樣商品唔可以做退稅.
(唔駛太擔心言語不通, 因為普遍嚟講而家喺日本百貨公司嘅職員嘅英文水平已提高咗好多)
若目的不是為購物，但食都幾貴，around HK$100-200 一個set (已經cheap la)，咁如果食d地道食物會仲貴。我地兩個人(一對情侶)去東京7日，食野、買野和手信都用左萬幾蚊(不計酒店和機票)！
你如果有City Bank 簽咭，到時statement 個rate 可能會底過市場價少少！ 你去日本，都我地兩個人(一對情侶)，食野、買野和手信)都用左萬幾蚊！唔洗擔心咁多，好簡單，你只要沿位JR線&其它鐵路線已經可以去到好多地方！少少心得，你一定會去shopping la, 每個JR線都有locker比你放野，由日本錢200 至 500 蚊不等，只收硬弊。例如，我在旺角落車，我會放d野在locker到，如果我要離開旺角，咁咪搵番個locker (你要認清你的locker位置，因為個車站&出口的locker都有好多，所以要認清楚)