我想問如果手指同指甲的邊緣撞甩左，會唔會痴番埋？If not，點算？

你慘啦！因沒有解決辦法,撞甩咗係唔會痴番埋！

你的意思係咪指而家隻指甲,好似本書咁,揭吓揭吓呢,如果係咁就只好忍耐一下囉,因為遲Ｄ會連嗰邊都甩埋,咁成隻指甲就甩咗嘞！跟住就生番隻靚靚的新指甲出嚟！呢個過程快則一頭半個月,慢則三╴四個月都有之,主要睇你Ｄ新陳代謝快唔快啦！

現在的你,很抱歉！衹能說唯有等和盡量保持隻手清潔,你千祈唔好諗住自己抆出嚟呀,有咩事發生冇人知,一陣抆到損晒傷口發炎,搞到生唔番Ｄ指甲仲慘呀！都係嗰句,忍耐一下吧,因為除咗有Ｄ唔舒服同難睇Ｄ之外,都唔會對你有咩影響！

係呢段期間,你去買Ｄ靚嘅防水膠布包隻手指,唔好由朝到晚都包住喎,要俾佢抖吓氣,仲有五＼六個鐘就要換塊新啦！

如果唔係揭吓揭吓咁,就咁歪咗,咁就有可能以後都係歪,因為我阿哥都係咁,不過你應該去睇醫生,問吓有冇得救,唔好等啦,你都話隻手指好難睇啦,係咪？早救早着,遲救訓唔着！

希望整到你！

2007-11-14 15:53:27 補充：
sorry呀！打錯字咋,係希望幫到你呀！不過諗諗吓,希望整到你都啱喎,即係希望個醫生粒整得到你隻手指甲嘛！哈！哈！開心Ｄ啦,冇乜嘢咋,我都試過啦,你唔講人哋唔覺個噃！

我想問如果手指同指甲的邊緣撞甩左，會唔會痴番埋不会的===3个月可生長新甲復位的。不必担心？ ？