如果月經來,是否不能遊泳?

正常o黎講，係可能游泳，
但要用棉條，
不過，不得不提，
如果閣下仲係「女仔」，(未試過有性行為)
最好就唔好用「棉條」，
因為「女仔」o既陰道仲係好窄，
如果夾硬用棉條，
會好容易整到自己唔舒服，
亦都唔係咁容易整到條「棉條」入去，
如可以的話，就最好唔好游，
休息吓，而且m到時都比較容易感染細菌，
搞到「發炎」就慘喇！

不過，通常d職業游泳o既女士，
例如游泳o既運動員，
佢地因為必須要比賽or 要練習，
所以會請醫生打針、藥物控制停經或延遲來經o既時間，
又或者唔理咁多，照用「棉條」。

其實，講開又講，
有好多人睇醫生，
有時關乎d婦科問題，
醫生會要求檢查「陰道」，
當然，如果妳得十幾歲，
佢就一定唔會同妳檢查「陰道」啦，
(因為所謂檢查「陰道」，係要伸支儀器入去「陰道」裏面)，
所以可能只係睇吓下體，
但如果你有廿幾歲而又未結婚，
有d醫生就會問妳「試過性行為未？」
如果未，佢係唔會同妳做「陰道檢查」的。

順便提提各位女孩子，
如果妳年滿25以上，
而又未試過有性行為，
睇醫生時，如果涉及婦科問題要求檢查「陰道」時，
有d醫生會唔問就同妳做檢查，
因為而家o既社會「婚前性行為」都比較普遍，
所以醫生有時都盲摸摸，
唔記得問個病人，
所以記住要自己出聲呀！

p.s. 如果個病人o既情況係好特別，醫生先有權必須做該檢查。

可以...不過要用綿條, 唔多舒服的......
仲有就係, 果幾日抵抗力可能會弱d, 如果係去公眾泳池, 普遍會冇咁乾淨, 所以有機會細菌感染架!