到底點樣測光呀？

遇着光差大的環境係點樣測光都冇用的,個情況就係會好似你講咁是但一個位唔掂.
要解決可以幫前景補光,例如用閃燈或者反光板等等.
但係有時冇咁如意的,閃光燈補光有頗多副作用,就算你唔介意,都唔係所有前景都可以補光的,例如你就冇可能幫一座大厦或者一座山補光.
另一個方法就係用Photoshop的merge HDR合成幾張唔同曝光既相片,咁就可以保留所有細節喇.
http://www.luminous-landscape.com/tutorials/hdr.shtml
世事冇咁完美,你要影幾張一模樣構圖既相,即係影既嘢唔可以郁.
所以影相始終係有限制的.

2007-11-16 09:04:05 補充：
既然你可以影到個雕像好清楚,就代表個雕像有合理照明,唔存在部機對暗位唔夠敏感問題,只係光差太大先變黑,merge HDR應該搞得到.留意merge HDR有機會用多過兩張相的,除非光差真係好小,一般用三張起碼,好多時要用五張.

唔... 要搞清楚你點影先......
你係想影一個黑色雕像, 而背景就係一個藍天, 不過因為雕像太黑, 所以影出黎就一係個雕像黑晒, 一係就個天白晒.
如果你係用DC/DSLR, 恭喜你有得整, 不過要用PHOTOSHOP.
用腳架固定相機, 以背景測光影一張, 之後以主體測光影一張,
咁將主體測光既主體, 切出黎放係背景測光果張上便,
因為用左架, 固定左所以應該會好夾, 做得好就冇人睇到架勒.
事實上, 係呢O的咁既情況下, 最頭痛係你部DC/DSLR對暗位有幾敏感,
因為本身唔夠光時咩機都會影到好黑,
打光又打唔均勻, 閃光對住咁大件野亦未必夠力, (我估你係想影尖沙咀文化中心果件)
影兩次再合體係一個好方法.
另外, 當然可以考慮遲O的再黎過,
咁O的光冇咁猛個對比咪冇咁大囉.