股票一問 - 新股

其實最近啲新股反應禁熱烈，中簽率有10%-20%已是不錯，抽中的機會直情低到可憐！

當我抽有質素新股的時候，我一定會孖展抽，我會在銀行用1蚊本借9蚊的方法借孖展，例如隻中外運，我用16000蚊本借到16萬去抽40手！之後等回返啲錢再用孖展抽中鐵！因為每次孖展息都係150蚊左右，好抵！用200蚊以下的利息，去換取一手，都ok呀！例如我用孖展抽左阿里巴巴，36蚊放左都代咗萬零蚊落袋，用兩舊水利息搏咗萬零蚊！勁！

如果你係會用孖展抽，我建議你用萬三蚊本借夠十三萬孖展抽20手重汽，之後用22000蚊減13000=剩餘的9千蚊抽兩手中外運搏吓，之後用中外運及重汽回流啲錢(11月27日號晚之前會回到水)，28號朝早去借孖展抽中鐵，剛剛趕得切！

中鐵可長揸，因為在中國，鐵路路鬼長度per人口的比率仍然遠低於其他發達國家，仲有好大增長潛力，你參考吓中交建的股價就心知喇！

中外運就價好即放，因為航運業好週期性，以及直接影響航運公司盈利的波羅的海指數(反映運費，越高的話，航運公司就收得越貴，所以食水深啲) 己在過去半年升咗60%，可能會調整吓，加上全世界有好多新貨船將會完工投入服務，到時波羅的海指數會回落，事關環球載貨量增加，令運費下降, demand supply事也！

重汽可以中線持有，重汽是全國第三的重型車生產商，如果可維持於半龍頭地位，可能升得慢啲，但應該有得昇！

P.S. Hsbc 孖展係5.5厘，例如借14萬4，自己出萬6，用total16萬零去抽的話，利息是14.4萬x5.5%x7/365，因為只借7日，如果有啲新股要借到10日，就要乘10除365了！我今日先在Hsbc用網上理財借孖展抽中外運，方便到爆，自動從户口扣錢及回水，筆都未拎過，用咗16000去借夠16萬抽40手，息都係150蚊咋！我建議你去銀行問下，我建議hsbc，因為最少只係要借10萬，其他銀行(中銀)就最少要借30萬！其實借10萬同30萬的中簽率都差不多係坐一手望兩手，但俾150蚊息好過俾成500蚊呀！

你需要在證券行開設保證金戶口，才可以以孖展抽新股。利息則以當時的利率計算，沒有特定利息。
中國重汽、中外運航運及即將招股的中鐵工，均可抽。其中中鐵工勝算較高。