點先可以同人有多d話題?

你首先要知道, 你講緊 o既, 係性格問題黎架。而性格係要改的, 所以你要明白, 你家下唔係要學點樣同人多 d 野講, 而係要改一下你較沈靜同較悶的性格。

其實我都見過好多比較悶的人, 老實講包括我。但, 九成都會有個共通點, 就係, 對住 d 佢地鐘意的人 (當然係不分男女啦), 就會好自然咁有滔滔不絕的話題。而你覺得你係咪呢種呢 ??? 如係, 就較易解決。

你由現時開始, 無時無刻同自己講, 特別係每晚臨訓之前, 話自己要改變, 變成一個鐘意講野的人, 但記住唔好喬枉過正, 變左口水佬喎。(呢種叫自我吹眠, 係科學承應的其中一種治療方法)

其次, 莫講話呢個世界咁大啦。單單係香港, 你諗下每日有幾多唔同的事發生 ? 又或你的學校內, 分分鐘每日都有好多好得意的事發生緊。所以, 根本唔可能話無話題, 只係你性格係咁姐。你即管多 d 留意, 每日學校發生 d 特別, 或得意的野, 然後羅黎同你同學仔傾下, 咁分分鐘已經可以偈好耐。

又或者有咩特別新聞, 或電視節目等等 .......。咁 o岩, 剛睇完台慶劇, 如你都有睇, 咁你第二朝返到學校, 已經可以捉住你同學問, "喂, 你尋晚有無睇台慶呀 ?? 笑死我啦, 亞叻同志偉兩條粉腸, 係咁整蠱邊個邊個 ......... 另外邊個邊個又忍唔住係咁笑 ....... 嚇到 dodo 走左去 ....... 等等"。由於你仲細過, 加上決心想改, 所以好快, 你就會發覺只要你肯講, 其實真係有好多野講架。

但初初自己一定唔慣的, 所以開頭果段時間, 係要迫自己講架, 可以話你知一定係比較辛苦的, 但如你有決心, 問題絕對不大。

有咩問題都可以寄信比我的。

多謝多謝!! x]
有d野真係講得好準@v@"
我會試下嫁啦^x^!
真係好多謝你既意見.+"

其實唔一定要set一d話題!只要你想同人分享,就會有好多話題,可以講吓鍾意既嘢,可以講吓電視既劇情,可以講吓你返學途中見到而又想討論既嘢都得,你想講咩都得,唔好覺得自己答得好悶,你咁樣諗會變得好多嘢唔會講,佢地問得你,就唔會覺得你有問題啦!同埋可以講吓笑話,誇張d都唔緊要,佢地會明你講笑架,好似我,我好鍾意同人講笑架,只要唔好將一句人地無心講既嘢當真,咁就可以同任何人都好易相處既啦 !