沙田火車站搭咩車最快去度沙田ive呀??

如果你係坐火車的話, 係火炭落車會比較方便... 係火炭火車站落車,之後就係A/C出口出閘... 出左去就轉右一路直行... 你會見到有條斜路,行落車路一路直行... 過左條隧道係左手邊會有個IVE入口... 路程大約10分鐘左右啦...
而如果你一定要係沙田火車站出發... 我唔會建議你坐巴士啦... 快又真係唔係快得好多,因為佢要停唔少燈位... 你一出沙田火車站係新城市出口出左就一路直行... 行到去上美心酒樓果位就轉左... 一路向前行就會去到沙田中心... 去到中間有個電梯... 落左電梯出左街就轉左(有間Citibank)... 一路直行會見到間(中國銀行/恆生銀行),過晒兩間銀行,過隧道... 你轉左邊,會有一條行人路係大埔公路旁... 一路直行到尾就轉右,行過條行人隧道就係IVE(源禾路入口)... 路程大約20分鐘左右啦...
因為你等車/坐車/停站 85K(往: 恆安) 都要成15分鐘... 之後行到去IVE都差唔多20分鐘啦... 而且兩條路如果天氣好/唔太熱都OK好行,而且亦都唔會太多人... 坐車你要比$3/$4.2, 但係又唔係特別快... 因為無車去到IVE門口,行同坐車都無分別...

的士......

bus85K

最快係搭85K, 在沙田火車站總站上車(收費$3/$4.2)

搭兩個站, 在和輋邨站下車, 乘車時間約8分鐘

落左車繼續向前行, 大約行2分鐘你就會見到IVE在你前方, 之後你過埋行人隧道就到了

P.S. 85K班次頻密, 大約3-8分鐘就有一班

希望幫到你^^