中三生選科問題~~

首先....唔好怕英文
哩個問題其實有好多中文中學同學都會碰到
試試將眼光望遠少少...你今日因為怕英文...而避開你鐘意o既科
第一...自己無興趣o既科目...失左動力...就更難讀
第二...英文...你係避唔開架...中六七...高級文憑...大學...都一定要用
你宜家細個仲有時間....諗方法克服佢...
另外...我本人係理科生...已經讀完左中六七...亦因為重讀...分別讀過中英文o既理科
數學+化學...用英文係會比較方便容易...
其實...只要唔好怕...做得多你就發覺好多野好相似
千祈唔好未上戰場就先打退堂鼓...一定後悔
所以....理科用英文...一定唔會好難...放心
不過有好多理科生英文會比文科生弱...原因係可能比較少機會接觸...
所以選左理科...請自己中四把握時間練好英文

===============================================
第二...分數及附加數問題
如果你o既分數保持 70以上...我覺得可以接受
我亦都有幾個中學 學生...我專補數理的
當然亦都要睇返你o既試卷程度啦...
其實中1 至 3 o既數學係好基本o既概念關係...
只係一個基礎...同埋培養所謂o既數字感覺
如果你自問...對數字係有感覺o既~~好簡單o既問題

81 同 3
25 同 5
121 同11 之類...仲之簡單D講你唔怕諗唔怕計啦
附加數並唔係人地所講咁痴線架...嚇你架咋
咁當然文科人見到數學都叫救命...咁唔洗諗A MATHS囉

附加數 其實係進深一層o既數學世界囉
即係...你數學可能學拆解2次方程...附加數可能拆3次
微積分...座標圖o既感覺可能要比數學強...同埋會常見D
不過所有野都係要學習...有邊一個一出世識跑先...
所以都係個句...未上戰場唔好先打退堂鼓

我建議你想了解多D...可以問一下數學老師/補習老師
搵一D最普通o既 A MATHS比你睇下係咩一回事...都好o既
============================================================
最後....中三選科亦都要注意一樣重要o既野

就係....你自己o既中學...中六七究竟會開咩科
因為每間中學都會有唔同架
有好多中三o既同學...一來唔清楚...二來無諗咁多
所以都唔會有人理會哩樣野...
點解哩樣野重要呢...因為當你中五考完會考...有幸原校直升
不過你中五收o既科目....中六無開....咁你就大獲啦

正常黎講....中六理科一定會有 phy chem bio
Pure Maths都有90%會有...App Math(應用數學)Sta(統計學)等數學科目就比較少
如果你選理科中四...如果中六想讀數....咁當然A maths就一定要讀
如果你中六想收 Phy Chem Bio....咁自然可以選收其他科...
好似 電腦/ 美術/ 會計/經驗....睇返你自己中學會開咩科
另外...你可以考慮下...你自己興趣...同3-5年後o既方向
你如果選左理科...咁中六我覺得你都唔會轉讀商科掛....所以讀會計有冇用呢?就自己諗諗


anyway...諗清楚自己鐘意乜....
怕乜 (其實我覺得都無野好怕...你都未見到...有乜好怕呢?)
唔洗自己嚇自己啊...你應該最清楚自己係乜野材料...只有你自己可以選擇你自己的路啊
加油

2007-11-11 22:16:33 補充：
中六的 Phy也需要 A maths底子大學選科有科目指定要Phy pure maths...好似電腦建築精算之類咁當然都有 bio chem 的...不過出路相對比較少...有藥劑/醫學等等A Maths並非你想像中難...反而你如果鐘意諗野...佢會令你進步好多...係日後好多科目o既好基礎我現在讀商科...習慣理科o既推理思考方法...會比文科優勝一點上面有位朋友講得好....文科好多野背...理科好多野諗...不過如果你明白諗通就唔洗背...如果你唔明o既野都係要死記硬背哩個係最大的分野...

你數同phy chem bio都咁勁
緊係揀理科啦
我都係理科
其實a.maths唔算太難
只要你明白maths講咩
你a.maths諗多少少就一定會識
人地都話啦
maths係計數,a.maths係做數
你識計,只係之後講返比你聽"點解要咁計"姐
你話你文科得hist勁,咁就死得啦
如你所說,你既成績應該好好,足以揀邊班入邊班
你入左文科勁d果班你就死啦,個個文科人係各個文科既科目上都會好好
你得一樣係唔掂嫁,一定會變做全班尾幾
除左呢d,理科一定會中英數啦,
可能會有電腦與資訊科技
呢科主要係講一d軟件,硬件,程式,傳遞速度等等
用英文,不過d字好專業,我個人覺得好難
如果你本身對電腦唔認識或者冇興趣就會覺得好難
不過中五可以drop既
但聽講呢科會考好易拎分

如果要我講,我緊係想你入理科啦
你理科既成績咁好
講真,a.maths唔難嫁
同maths一樣都係一d數加加減減之ma

我都係中文中學嫁=]

我讀文科 我有d fd讀理科
綜合自己同fd d意見----文科立場要好鮮明,背野背到扒係度 理科a math一定要諗岩方向先岩,計數計度扒係度

add math, apply math