初生倉鼠問題,,超急..20分酬勞 萬分感激

呢個情況最好唔好帶鼠B去睇獸醫,就算獸醫在樓下,都要運送鼠B鼠媽,咁就好易令佢地情緒更緊張,如要鼠媽俾奶俾鼠B就更難了,而且我諗醫生冇咩野幫到你,養大鼠B,最少頭18日,都需要靠鼠媽媽呢

1.鼠b要18-21日大先戒奶,你既鼠b約十日大,就未可以戒奶

2.鼠b12日大會出去搵食,大約呢個時候就要俾野俾鼠b食,你隻鼠b約十日,都要準備了
俾鼠b既食物要整細粒d d糧,如果近粉抹既食物就要加少少水,但留意,呢個時候既鼠b都要飲媽媽既奶

3.可以整碎d瓜子,但一定要好細粒;如果夠12日大,冇媽媽既奶飲都仲有一線生機,但唔死得都好難可以健康,非必要都唔好要鼠b咁早冇奶飲
俾奶粉沖既奶,其實主要係俾鼠媽媽補充返d奶,等鼠媽媽有足夠既奶去餵bb,記得唔好俾鮮奶,鮮奶好易令鼠鼠肚瀉
如果要買流質既食物,可以去獸醫診所度買,但如果鼠B已識出唻食野,其實整爛D鼠糧已食到,流質食物反而係要花時間用針筒俾鼠b,除非你真係打算分開佢地,又有時間去照顧

4.可以留意返以下事項
A.首先,鼠爸一定要分開,而鼠B如果真係10日大,一定要同鼠媽一齊住,就算鼠B已經識得行唻行去,都要依靠鼠媽媽既奶去健康成長,除非你隻鼠媽唔見左,迫於無奈先好咁早戒奶

如果鼠媽媽真係係咁咬鼠b,相信你已經會見到鼠b被咬開甚至已被食,最最最少都會見到外傷,但你冇提及,相信就唔係咁,你見到既鼠媽咬住鼠鼠,好大機會只係鼠媽運送鼠b既情況,鼠媽媽唔會好似人咁抱住bb,只係會用牙去咬起bb,所以呢個情況你唔洗擔心

B.鼠B幾多日大其實都好關鍵,10日大同12日已經差好遠,12日大你仲可以博下俾鼠B自己成長,但都有好大既風險,而10日大唔識搵食同排泄,就差不多可以話死緊了

俾鼠bb成長階段大約既情況你參考一下:
1) 出世: 未開眼,有d牙仔,冇毛,有細爪
2)第七日: 開始出毛
3)第十日: d毛開始生長到都幾多
4)第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水.
5)第十五日: 開眼
6)第十六日: 出齊毛啦
7)第十八至廿一日: 戒奶,要將bb同媽媽分開
所以而家最好係放埋鼠媽同鼠b一齊,不過你將佢地分開,放埋兩次,風險已更加大,不過咁細既鼠冇媽媽既奶實在危險,放鼠b入去去的確有機會俾媽媽食左,因為已有第D氣味甚至唔認得鼠b,但冇奶飲,死既機會更大,咁就要睇返你隻鼠b真係得10日大,定係已經識得出去搵食,識行都唔代表識搵食呢
除左食野既問題,鼠b都要依賴鼠媽媽幫佢處理排泄物,除非佢已經唔止十日大,已識得自己處理(約12日大識處理),鼠b既排泄物都唔少,就算你好多時間睇實,都未必處理得到,你將鼠b獨立既話,佢唔識處理就會死架啦

C.留意返以上既問題之後,如果真係放返佢地一齊,就記緊唔好打擾佢地了,咁先係對佢地最好,當然都要日日換奶,同埋差不多冇食物時再添加,添加時最好等鼠媽訓緊時,減低對鼠媽媽既騷擾
如果真係要分開佢地,就要花多D時間去照顧鼠B,實在咁細個分開係好難養得大,但你唔好用針筒飲管之類俾奶鼠B飲,因咁樣好易"俗"死鼠B

就算好忙好忙,都希望你最少每日可以幾分鐘幫鼠鼠做以上既事,忙都可以訓少幾分鐘,如果唔係冇人幫到佢地了

D.另外,繁殖鼠鼠真係有好多問題,希望你可以考慮一下唔好繁殖佢地,加上你冇咩時候打理佢地,如果咁繁殖落去,要考慮清楚係咪真係有咁既時間,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

我知道如果初生倉鼠bb有人類的氣味的話,倉鼠媽媽會咬死佢地,你可以磨到好碎啲瓜人/糧,再混少少水落去,睇吓佢地食唔食,我有個freind又係like你咁,但依家兩隻倉鼠bb生活得好Happy吁>o

你換左籠冇左陣味
所以媽媽會咬d bb
唔好擺返一齊
媽媽會咬死d bb架
呢d情況冇辦法架喇
拎去賣鼠既舖頭問下
佢地有d係專for鼠bb既流質食物

但係有d倉鼠 mama papa 都會咬死自己d 骨肉好嘔心架...你不如問下d獸醫點算啦...

最好就分開佢地，同埋你親手喂佢地飲奶睇下得唔得la

我有養倉鼠......我覺得唔好分開佢地
佢咬BB....應該唔怕...dog cat都係咁
你分開佢佢反而冇得食奶...