我個廚房今年一月裝修，灶頭及不鏽鋼星盤台用黑金沙石做的。昨晚阿媽洗碗時，突然成條圍邊跌落地，好彩冇弄傷腳趾，謝天謝地！條石用什麼材料貼上去，咁鬼化學，不足一年已經甩出來。我可以自己買一條石DIY做嗎，還是一定要找裝修師傅搞？要幾多錢人工費，條石54" x 3" x 3/4"(厚)，去旺角邊間買好 D，另外條石上方是磨圓了，要來擋水用，可以叫店舖代為磨圓嗎？除了配回雲石，是否可以改用磁磚呢？請幫忙！
原本幫我裝修個師傅，我已跟他反面了，就係因手工唔好，估唔到仲有手尾跟，激氣！
廚房星盤雲石圍邊甩掉，點辦？
2007-11-11 11:13 pm
回答 (2)
2007-11-18 11:01 pm
✔ 最佳答案
首先去雲石舖依舊雲石呎吋配番一條新嘅，可以要雲石舖幫你做圓角邊(加少少錢)，之後去五金舖買一罐雲石膠，於灶頭舊雲石口用鐅或縲絲批鐅走舊石口嘅石屎膠尾等，用雲石膠查滿石口厚厚一層，然後鋪上雲石，用牛皮膠紙固定。。。要24小時乾透。。。之後用玻璃膠封口就可以防漏水。。。。。。改用磁磚..??可以，不過收口冇咁靚同埋做唔到擋水喔。。。。
參考: 室內設計知識。。。
2007-11-12 9:52 pm
收錄日期: 2021-04-20 14:30:41
原文連結 [永久失效]:
https://hk.answers.yahoo.com/question/index?qid=20071111000051KK02432