有邊D狗好少吠嫁??

其實上面位朋友講得好好, 真係要停一停、諗多幾諗! 你現在"雄心壯志"話要養, 但係遲Ｄ比人告, 你可以搬去邊? 你現在住既地方係租定係自置物業呀? 租的話, 你知道幾難會遇到一個業主會比你養狗?? 如果係自置的話當然可以搬啦, 但都唔係話搬就搬呀？去睇去買辦手續都要成個月, 加上你係咪真係會為左隻狗搬屋? 我住奧運站,7年前家人買的. 但我之後移民了, 前兩年係加拿大買了兩隻小狗. 買的時候冇諗過番香港住... 但幾個月前家中有事要回來, 想了好久決定帶它們一齊回來. 但奧運唔比養, 連放狗行過都比人鬧!!!!
好彩我7月份回來己開始做準備... 我家人有第二個物業係九龍塘出緊租, 可以養狗.. 所以為有同租客傾, 都比了4萬幾佢, 佢先搬走... 又要麻煩到家人..搬屋真係好麻煩!! 但為左小狗們也沒法子..現在我還住在奧運, 下個月先搬, 三個星期前其中一隻狗回來了, 只好先送她去狗洒店, 一個月要$7500... 我冇諗過要放棄d狗, 也不后悔買了她們, 但真係洗了好多錢, 做多好多工夫..
同埋你問邊d狗少吠? 邊個可以說得出? 我有一隻好乖的迷你品, 但迷你品出名 wild
係 "king of toys"... 另外果隻係老虎狗, 人地話老虎狗好懶, 不過我隻虎虎冇時停.. 所以隻狗d性恪真係好難講, 初初幾個月可能會吠, 遲d會好d... 又或者相反...冇人知隻bb狗長大會變成點... 寵物店一定話你知隻狗好乖, 唔吠等等... 我買隻老虎時, breeder 同我講佢識去廁所, 點知帶佢番到家, 足足教了2個月...
最后關於短毛臘腸/歌基/柴犬...全部都係中小形... 臘腸要小心腰骨, 標準型16-32 磅, 迷你型就大約11 磅 .歌基有幾種由30磅至50磅不等..香港有的多數係小形歌基...柴犬就20幾磅..
本人覺得臘腸比較多人養, 價錢可能會平d, 而且size 最細, 毛毛也不長, 比較適合你...
無論如何想清楚, 如果決定買就要對佢好d, 千其唔好放棄佢呀!!
希望幫到你啦...

短毛臘腸唔係好貴,歌基幾貴,柴犬好貴
同你介紹種狗,佢好少吠。
巴仙吉犬
具有突出特徵的巴仙吉犬，腳程快如馬；身體各部位都光滑，形態美麗。極少吠叫，吠叫聲奇特(近似嗥叫聲)。巴仙吉的名稱來自斑圖語灌木地帶原住民的意思，有時也被稱做剛果犬。在非洲被當作追跡犬及守衛犬使用。
歷史：
　巴仙吉祖先的來源可追溯到古埃及時代，從許多法老的墓穴，發現不少類似巴仙吉犬的雕刻。大約在一百年前，西洋人在非洲中部發現此犬種，進而將其組成隊伍，當做狩獵犬使用；20世紀初被至英國，因為未曾接受免疫，立即感染了犬熱病。英國開始繁殖是在1937年，美國則為1941年。
性質：
　個性上屬精神抖擻、好勝、調皮、待人和善、喜歡與人親近，偶而會對陌生人擺出冷漠的態度。由於群居的本能，具有主導其他犬的傾向，若和其他狗一起生活時，在主導權尚未確定之前，難免會有小競爭或對決發生。
精神抖擻、好奇心強，就算在住屋附近散步也會滿足。

●頭部：從眼部到鼻端漸細。長度適中，鼻鏡呈黑色的較受人青睞。

●腳：小、寬度狹窄，腳指緊靠。

●尾巴：尾根位置相當高，緊靠背上，並向上捲曲。

●四肢：力強，肌肉勻稱、結實。

巴仙吉犬極愛乾淨，會跟貓一樣，用前腳肢擦洗臉。
●眼：不怎麼大，呈暗色的杏核形狀。額頭上有深深的皺紋(看來皺眉的樣子)。 ●整潔的雙頰，頭蓋朝口端變細。
　 巴仙吉犬體質屬易胖型．因此每天的運動是不可或缺的。

既然你住果度係唔俾養狗既，咁你唔應該冒險去養，好大機會你會俾人投訴然之後你又要諗方法去處置隻狗，你咁樣係自找麻煩之餘又會連累隻狗，不如養貓又或者養其他小動物啦。養狗閒閒地都係十幾年既，唔係一兩年跟住又話唔養得而將隻狗俾人又甚至係遺棄街上。所以真係要停一停、諗多幾諗，千其唔好見人養你又走去養。