穿高跟鞋成日整損隻腳

著高踭鞋最好買大一個碼（比平底鞋size), 好似我自己平底著３６／３７左右就ｏk, 但高踭甚至要著38/39
買鞋時，唔好齋睇款式，都要試真ｄ，如果唔舒服千祈不要貪靚就買。我發覺有些日本牌子都幾好著，好過一些開連鎖店的大牌子，你可以去ｄ boutique仔搵一搵。
著新鞋之前可以搵野撐一撐對鞋，或者好似樓上講既，揉軟刮腳既地方。
有個賣鞋既sales教我，如果發覺刮腳，第一時間係刮腳的地方擦一些凡士林，咁就不會磨到起水泡，你可以試一試
真係著出街，磨腳，我覺得黏膠布無咁穩陣，有位朋友教我將一包紙巾入面ｄ紙巾抽晒出來，用一個吉的紙巾包裝塞係刮腳的地方，增加磨擦，保護對腳,不過無咁靚嘍。
講到底都係買鞋時要揀真ｄ，如果係因為你腳趾生得比較闊，有些鞋舖會有鞋楦，你可以一買鞋就叫佢幫你撐大ｄ個鞋頭！

高跟鞋成日都有此問題.
如果係新鞋, 就先將後腳跟按扁拉直再按扁, 來回做幾次令後腳跟位置既皮會軟化, 而唔會再刮腳, 最初著的一兩天, 你可以試下貼一塊細膠布在鞋的腳跟位個度, 令佢有個軟化cushion effect, 唔會咁刮, 我試過用於兩對高跟鞋都無問題.
另外腳趾既水泡問題, 或者你可以試下買鞋墊, 有時用左鞋墊後, 腳板無承受咁大壓力, d腳指生水泡既機會都會少左.
不過如果你天天著高跟鞋行一兩個鐘, 真係會難度高少少, 但鞋墊應該可以減輕問題. 在watsons mannings個d都可以.
或者, 你間斷性咁著一d無咁尖頭既鞋, 又或者相反尖頭時就不要太高跟, 都會令腳趾受少好多壓力, 繼而無咁多水泡.