集體遊戲--世界之最

主持人先準備一堆題目, 每條題目都要由兩部份組成, 例如"最長的 - 指甲", "最重的 - 銀包" 等, 並分開寫在紙上.
玩者平均分為兩至n組,每組理論上最少兩個人, 但應該五個人以上先好玩.
分好組後, 每條題目輪住玩, 勝出的該組有一分, 玩晒咁多條題目後, 得分最高的o個組贏.
而玩每條題目的程序如下:
1. 主持人先讀出題目的前半, 如"最長的", "最重的"
2. 每組因應主持人的提示, 商量選出一個做代表來和其他組比拼.
3. 各組同時派出代表 (咁先公平)
4. 主持人讀出題目的後半, 最好show 埋張紙俾大家睇, 以示公平.
5. 然後就睇下邊組的代表符合題目的"最乜乜"而勝出. 所以準備遊戲時, 要諗埋分勝負時要用的道具, 例如"最長的 - 指甲"-> 要準備尺, "最重的 - 銀包", 要準備磅.
6. 一條完左, 記錄分數, 又到下一題, 去返第一步,直到玩晒d問題.
7.記得準備一兩條後備題, 兩/三組同分時用黎分勝負.

test who is the best!!