Pullman Bangkok King Power 同 Courtyard Bangkok By Marriott

上個星期去完曼谷返嚟，住喺 pullman，但就冇住過 courtyard

我同個 friend 都好滿意間酒店。一嚟價錢平，一晚都係 hkd 660，包埋稅同早餐
由於一去到就被 upgrade 上 delux，間房間格好，而且成座都係玻璃建築，感覺光猛。冇一般酒店嗰種恐怖感覺。而且服務態度好好。由於係 delux 房關係，每日都有小食擺喺房俾我哋享用。第一日係生果沙律，第二日有一樽綿花糖，第三同四日就有曲奇。而且每日都有兩杯 welcome drink，可以選擇喺 bar 飲，或者泳池 bar 飲。

個泳池雖然唔算大，但係好四正，喺四樓，隔離有個 bar，有好多張沙灘床。感覺唔錯！

早餐方面，都係以自助餐形式。款式頗多，味道唔算差。而且間 restaurant 都好大吓。入去時只要講自己住喺邊間房，waitress 就會帶你埋位。嗯！我食咗四日早餐，眼見周圍都係香港人囉！

至於地點方面，算係方便。本來我哋都以為同 bts 站距離好似好遠，可能要行 10-15 分鐘。但係，真係行嗰陣，又只係約 5-8 分鐘左右咋。唔想行，酒店有免費 tuk tuk 車你去 bts 站。好方便。

好認真講句，我好怕住酒店。尤其係嗰啲一入去就好似好 grand，但走廊又暗，冇咩燈光，或者全黃光嗰啲。我會瞓唔到覺囉！但可能因為呢間酒店特別光猛開楊，所以感覺好舒服。我都瞓得特別好呀！

我同我個 friend 就好鍾意啦！雖然設計簡約，但勝在夠簡單囉！