急！！Jupas VS Non-jupas

其實你有無能力一邊讀asso, 一邊handle 4科高考? 你考過高考, 相信會清楚高考有幾難考. 直至今日, 你AL準備左幾多? Retake AL唔保證一定有進步. 我有個朋友預科讀理科, JUPAS派佢入HD, 入左去之後retake幾科(但肯定無4科咁多), 報埋jupas, 佢算幾勤力去盡備, 但結果成績比retake前仲差, jupas無offer, 決定讀多一年HD. 今年如無意外應該已畢業.
Asso workload話大唔大, 話細唔細. 一到考試、mid-term或趕project就會好唔得閒, 除非asso學既野你之前學過晒. 讀asso代價係少左讀AL時間, 讀AL就係少左讀asso的時間. 個位朋友的確下學期起狂走堂, 只係lab同tutorial會返黎上, 但佢對自己GPA都唉聲嘆氣.
不過你既然比左錢考, 就應該盡力準備AL. Asso一考完試就好立即讀, 唔好等1月先開始讀, 與此同時, 你要考慮你預算成績會同今年收生成績差幾遠. 差少少就不妨搏, 差太遠就唔建議試.
其實asso要升番ugc degree真係幾難. 工程類或者會較容易, 但商科因為多人讀, 競爭會好大. 此外你亦要留意各大non-jupas的甄選準則, 謹記GPA絕非大學唯一考慮因素. 如果到時asso成績好時候先申請non-jupas, 取消jupas申請.