新手養魚help!!

其實我都是養過魚既,水溫都冇咩既,普通水龍頭d水就ok啦(但可能有d是另外既),至於d魚點先養得長命d﹖
首先我唔知你所講既長命是要有幾長命,但最重要既事是:
1.一個魚缸唔好有太多魚,細既魚就唔好超過6條or以上,大d既魚例如:金魚就2條就好了,如果是一d特別既魚是一定唔好放埋一起,你就只可以放一條魚系一個魚缸度,否則佢地會自相殘殺。
2.要定期換水,一個星期最少要換一次水,如果個魚缸特別污濁,你就要換水了。
希望我的回答能幫到你啦! ^ w ^
如果我仲有資料要補充,我會再編輯我既回答既。

對水對溫係指一袋魚, 唔解袋口放於水面上等待15-30分鐘, 作用係慢慢等袋內外水溫一樣, 咁魚隻就可以慢慢習慣你缸水既水溫了, 冬天一定要做, 因為回家途中, 袋內既水會慢慢下降, 如果回到家中唔做對水對溫, 魚隻好易生病, 一冷一熱既易出現既病例就係白點病了, 而魚隻呆滯都係常見情況.

對水對溫係指, 做好對水對溫之後既步驟, 將袋口解開, 用15-30分鐘時間, 分幾次慢慢將袋內既水抽出同時加入自己魚缸既水到袋內, 記得係分幾次, 幾個時段, 慢慢加自己缸水到袋中, 最好最後一次之後, 將魚放到自己缸水中, 而袋內既水係唔要的, 因為唔多唔小都仲有魚店既水響化袋內, 而唔知魚舖既水有冇細菌, 同時水既ph軟硬度都會同自己魚缸有分別, 所以唔好將魚舖既水加到自己魚缸內, 而對水作用係等魚慢慢分多次換水動作令魚隻慢慢去習慣自己魚缸既水質, 發病機會再次下跌好多了.

所以唔可以忽略以上步驟呀.

新缸先用水浸一兩日，有人用鹽水，主要係浸走ｄ玻璃膠味同污漬，然後抽走所有水先入水、用氣泵打氣，等水中o既氯氣消散。同時你要開行過濾器，開始養硝化細菌。初時ｄ水會白濁，但幾日（視乎水量而定）後就會開始清。
舊缸o既魚可以逐少（分幾日）放入一個大膠袋度，成個袋放入新缸水中五至十分鐘，等袋內外膠度相約，呢個就係對溫。然後每十分鐘將袋外o既水加入去，大約令新水等於舊水兩倍，呢個過程就係對水，等魚有時間適應兩個水體o既不同水質、化學成份。
要魚長命，都係做好水質控制，買新魚小心，有病唔好買，唔好買錯惡魚，餵食唔好過量啦。事事小心，魚可以好幾年。

新買袋魚要先放在水面,
令新買袋魚的水溫, 漸漸與魚缸裡的水溫接近,
這樣新魚會減少因水溫而不適.