保險公司agent差........咁同係銀行買有有分別???

其實唔好同銀行買,也不要同保險公司買
最係同d賣保險d好朋友買,起碼信得過
咁到時唔理佢係做銀行定保險公司,起碼都搵到佢,
仲要係任何時間喎
幾好呀

通常你會同一個保險經紀買單，佢會收佣金，佣金係公司比，通常只要你張單1-2年內唔斷單，佢就可以收到佣金，你斷單，佢就收唔到佣金。所以佢地會落力叫你買完一張單又一張單。

另外，當佢地唔做，你張單就變左孤兒單，即係冇人跟，通常有個經理級既人會叫做睇住你張單，但佢地好難搵。（我張都係孤兒單）。

銀行而家都好落力開拓保險市場，不防考慮下。至於收費，要用同類產品比較過先知。

至於同銀行買保險，佢一定有職員，你入到去，點都會有個人應酬下你，而且佢地有制度，唔到d前線人員亂答同赶客。但辨公時間後，我都未試過搵佢地，你可以自己落銀行問下。

至於你不滿保險從業員的服務，可以向保險業監理署投訴，佢地係官方機構，一定會處理，http://www.oci.gov.hk

保險公司agent差 : 我相信只是個別吧!? 的而且確行行都有害群之馬...

橫掂都愛理不理,可否投訴? : 絕對可以!!! 你打電話去保險公司的cs 實插死佢!!! 你再要求換agent... 通常佢manager 都會換一個跟得好的agent 給你的. 再唔係打去保監!!! 佢分分鐘釘牌!!!!!

恒生/中銀唔知有有買過呢? : 其實邊度買保險都一樣, 保障都係差唔多. 但當中一定有好大區別...

1) 價錢. 真係老實講--------銀行超級貴呀! 你可以格一格價!!! 所有保費都收得好高!!
儲蓄人壽保險
女性保障
危疾保障
醫療保障
傷殘保障
意外保障
以上全部可以收超過保險公司2 倍或以上的保費!!!!!! 無花無假!!! 我自己就對過保險公司跟恒x 銀行的保險, 恒x收危疾保障收hkd 7xx, 但保險公司只收大概 hkd 150 - 200!!!!

2) 服務: 銀行o的人成日掉來掉去, 分行轉分行, 下次幫你跟的又未必係同個人... 你自己諗諗... 其實銀行的sales 好少佣金, 所以唔係好願做, 而且逼quota 逼得好犀利, 所以佢地會唔分析你的情況就推o的要賣的plan 給你.... 理得你死, 仲要講到好抵... 佢地一日可能做3 張單, 又成日有街客走入黎, 所以唔得閒同你攪咁多野, 求其簽左比錢就byebye. 而且地點時間唔彈性, 你搵佢地會面都分分鐘要排隊... 好麻煩的.
而保險公司的agent (好的agent) 時間地點有彈性, 加上保險公司佣金高, 所以佢地唔會好急叫你買單... 買咩plan 其實佣金都有返咁上下, 所以好多時會顧及客人的情況由客人揀, 加上要講口碑先有介紹單做, 所以都唔會點"湯" 到個客一頸血!

3) 專長: 銀行太廣業務, 保險只是其中一環, 你話佢地會有幾著重!!! 但保險公司專做保險的, 攪claim 都多過銀行多多聲啦! 經驗老到, 醫療網絡又廣... 你自己參考下啦!!!

其實你講得沒錯, 真的有好多差agent 的. 個個後生心急入行, 賣左先算, 考試上堂又求求其其, 為佣金而不理客戶利益, 為數不少的. 但遇著個好的又真係幾好服務!!! 我朋友整親攪claim , 次次都沒問題, 仲有入息保障!!! 咩保費都賺返晒返黎... 我有一個很好的朋友做得真的不錯, 如果你真係想找agent, 可以e 我: [email protected]. 我都想介紹客比佢, 等其他人真的可以體驗一下好agent service 會幫到佢地, 唔洗煩又樣樣都清楚... 好過東買一份西買一份, 買到成身保險原來有好多是買多了...

以上只屬個人意見.