關於倉鼠!!!!!!!!!!(BB)

鼠店買既鼠(已戒奶既鼠),一般已有生殖能力,如果唔打死既話,可以話隨時都有機會懷孕,熊仔鼠懷孕期大約15-16天,細隻既鼠大約19-22天

鼠鼠既發情期十分之密,4-5日當中既4-12小時,懷孕期短,所以繁殖速度十分之快,之前聽過網友話半年已有80多隻鼠,所以好希望你好好考慮先好繁殖鼠鼠
而繁殖出唻既鼠,一定要同父母同近親分開,近親繁殖好易會有DNA問題,詳細DNA問題可參考以下我回答既知識中既C點
http://hk.knowledge.yahoo.com/question/?qid=7007080306013

一籠兩鼠除左易打交同繁殖太多之外,鼠鼠都更易咬人,鼠鼠又易受驚,鼠鼠受驚有機會誘發甩毛,肚瀉甚至濕尾症等疾病

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

如果真係要繁殖,要留意以下問題

A.倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

B.如果你懷疑佢懷孕or鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

C.食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

2007-11-09 17:47:49 補充：
鼠鼠一胎未必係生六隻既,最少兩隻,而紀錄最多係26隻,當然係好少有,但十隻八隻並唔出奇懷孕最耐都係等22日左右就生得,如果生完B都唔分開鼠爸,仲有機會鼠B未戒奶時再生過(如果鼠爸鼠媽冇殺鼠B既話),計返條數就知,就算唔會亂倫再生,只係兩隻鼠,都可以繁殖十分多隻鼠

大約1至2個月唔好心急，生完BB之後唔好點BB因為如果你点咗佢哋爸爸媽媽會嗅倒就會食咗dBB架喇

2007-11-09 15:48:45 補充：
仲有佢地繁殖率好高架，生完一次之後好快有第2第3次有好多好多.因為我有養過成年咁耐，仲要問其他人可唔可以收留dBB添

首先要睇你對鼠鼠幾大先,
如果佢仲細,我估要等你養多半個月以上,佢地先會搞野
搞完之後一個月左右就會生出六隻無毛的鼠bb
當你發現鼠女女皮氣暴操, 不準人地掂佢,這個時候應該巳經有bb囉
最好將鼠爸同鼠媽分開,否則成日打交好煩
仲有,你要小心佢地近親不停交配,咁樣你屋企好易變成老鼠樂園