唔見左九巴家屬證,竟然要賠$2340

恕我直言，
你用呢張家屬證時，
都應該知道係有責任保持張家屬證啦，
現在有數得計總好過開天殺價還好得多啦．

都係遊戲規則啫．

．

你之前是巴士嗰行為什麼不打電話去問巴士汽車工會問過明白呢？

根據僱傭條例，僱員因疏忽或失職而損壞或遺失僱主的貨品、設備或財產，每次只可按值扣除，但以不超過$ 300爲限。而扣除的工資總額，亦不得超過僱員該工資期所得工資的四分一。

如果張家屬係證僱主材物，你唔見咗僱主物品，僱主可以於工資中最高扣$300，但就只可以一次扣，唔可以分開咁每日扣薪。

所以如果僱主係喺你人工中咁樣扣你$2340就係抵觸法例，你可以去返你工作地點所屬分區嘅勞資關係科尋求協助。

不過如果僱主唔係扣薪，而係要你直接支付或以民事索償追討就唔屬勞工法例範圍。你就要資詢其他法律意見喇。

2007-11-10 16:54:15 補充：
雖然人事部職員話家屬證唔屬公司物品，但係建議你睇吓張證上面有冇寫住張證係公司所有，如冇寫:既然唔屬公司物品，咁即係公司冇捐失啦，你可以用呢個point同公司拗，當然公司都可以話人事部職員搞錯同你拗。公司有冇比返另一張家屬證你呀? 如果冇咁有人其他人用咗，公司都係冇比多咗免費車人撘啦，比你家人用同比咗其他有證嘅人用都係一樣比一個人用啫，計落公司都唔一定有損失，呢個情況都要你賠償都幾得意，你去勞資關係科啦，我個人覺得佢地要你賠嘅理據都幾牽強。