急問有關小狗剛喪伴每天在找已死去的伴侶及離家出走邊行邊哭叫

雖然我未有過同样經驗，我家亦失去過三個，其他狗狗唔算好大反應，但我都會同佢哋講清楚，或者佢哋真係聽得明，你試吓開解吓妹妹啦；或者佢哋有血緣關係會有比較大反應，好正常，多D關心佢啦！我响報紙睇過一段新聞，响大陸兩個狗狗過馬路，其中一個比車車死，另一個不斷叫佢起身，仲想抬佢走，始終唔成功就好慘咁離開咗！狗狗同人一樣，一段時間接受咗會慢慢忘記。唔好太傷心咁面對妹妹，或者佢比你更傷心，同佢講boyboy去咗一個好靚好舒服嘅地方，好多狗狗同佢玩，我諗佢慢慢可以接受。另外我唔知boyboy點會有咁嘅意外，但希望所有狗媽咪、爸爸同乖仔乖女去街，一定要拖住！就算警犬受過訓練都要拖繩啦！有時幾聽話嘅狗狗遇到突發事情都會失控！
狗狗都有回魂，真架！希望你見到感受到，比佢最後嘅祝福；唔好帶妹妹去喇，口講就得，亦唔好將骨灰放响屋企，佢會唔捨得走又影响妹妹，經驗之談！不能詳盡！希望你都唔好太傷心，生死有命，愛顧你身邊嘅所有！

初初不見了自己的親人,狗狗當然傷心. 我每一次公幹, 我家的小狗就哭, 悶悶不樂, 食很少..聽到門口有聲就跑出去等我...因為她是跟我睡的, 當我不在家就同我啊妹訓. 但睡兩三小時就跑去我間房看我回來了沒有, 看到沒有就哭著走回我妹房...每次我打電話回去,啊妹都話啊豬又跑去我房等我...好可憐...不過等兩個星期, 佢會唔記得...
你最好唔好帶你隻狗去看身後事... 小心她的心理問題. 可以的話帶她去同其他狗仔玩下.

I think you better take care her more and more. or buy her some more toys. Or even you can bring a new dog to home with her. She need someone to play with.