我下星期要考牌, 但現仍有些問題不太肯定, 請各位有經驗人士幫吓我, 謝謝:
在下面情形下, 當要停車時, 我應該點做?
1. 紅綠燈前
2. 平路
3. 向上斜路
4. 向下斜路
師傅敎話要先踩盡離合器, 才踩下刹車掣, 但有人話咁樣停車會被考牌官大剔(即空波滑行), 好大機會"肥佬", 我究竟應該點做呢?
考牌 - 輕型貨車
2007-11-09 7:47 pm
回答 (3)
2007-11-11 4:35 am
✔ 最佳答案
你千萬唔可以前踩離合器..整套停車動作係要先踩brake..將車速減慢,接近就停就再踩離合器入空波,再拉手掣
1.如上,考車當然要拉埋手掣..
2.平路唔會無端端停車,除非係如上...紅綠燈前..
3. 向上時,基本上一定要盡踩油門令架車郁..否則會溜後....停車果時,呢個動件要做得快..--->「踩brake..將車速減慢,接近就停就再踩離合器入空波,再拉手掣」否則架車極有可能溜後...一出現呢個情況,大有可能會肥....
4.架車就算唔用油門,都會自己加速....所以你要keep住用brake收緊個車速...再做以上動作..
考棍波,就係考呢套動作做得熟唔熟..同會唔會好易死火...只要做得順,咁就會合格在望!
參考: 自己
2007-11-09 9:55 pm
你師父冇錯，踩盡離合器才踩盡刹車掣否則會死火，但你肯定聽D唔聽D，係叫你印brake收慢車速，差不多停時才踩盡離合器及踩盡刹車掣把車停下，唔係叫你踩盡離合器"sir"埋去
2007-11-09 9:15 pm
老友,若然想Pass就必需習慣每逢停車前先踩"迫力"才踩"極力子",如你所題先踩盡離合器, 才踩下刹車掣絕對係會構成空波滑行,落斜更要留意,落重D迫力收慢先踩極力子都末遲,即吏上斜路都需作狀庶一庶迫力,(無需太用力)你自己試試做多D領悟下,Lee D係基本嘅駕駛技術,咪為左Pass而做,記緊識快前先要識慢,置於你果個師傅若然真係o甘敎就應該拉去食子彈啦! 祝你好運 第日做個負責任嘅道路使用者.!!
收錄日期: 2021-04-13 14:23:43
原文連結 [永久失效]:
https://hk.answers.yahoo.com/question/index?qid=20071109000051KK00879