怎樣使用壓力煲?

如果是煲湯的話,落晒煲湯料和水加上煲蓋開火,煲到滾起就轉小火(薇薇火就得了),
煲湯或者煮食炆餸都是由滾起(滾起才開始加壓的)開始計時間的,
煲湯就由滾起開始計半個鐘就煲好一煲老火湯,而夠鐘離火之後10分鐘才好開蓋(約10分鐘就會減了壓),
個煲一定要減了壓才可開蓋,因為未減壓裡面D嘢還是滾滾滾的向上升(像火山噴發咁噴上來的),而如果你想快D減到壓,可將煲放在水中坐坐水,另外亦可在蓋上的放壓制放氣,但我聽人說有些煲是沒有此排氣制的,而且賣煲的人說強行用排氣制排氣是會加速密封膠邊的老化,會好快就膠邊壞掉,要比錢公司換膠邊,而且如果你煲粥或紅豆沙之類,用強行排氣的制,個孔噴氣時連D豆 粥的『杰』『撻』『撻』都會噴到你廚房周圍係....

煲老火湯時間就是由滾起轉小火計半個鐘
煲紅豆沙時間就是由滾起轉小火計3至4個字
炆牛腩我就炆5個字(都是一樣所有嘢都是滾起後轉小火的時間起計)
粥我唔用佢煲,因為粥要時常攪個底以防黏底,但如用壓力煲不能常開蓋,而且我用佢煲過,覺得D粥不及用普通的煲法的綿....
如果你是炆嘢,你將個煲放在爐上開火(個煲空的,抹乾水),加油,加料頭爆香個煲,跟住就好似你平時炆嘢咁,落柱侯醬(我會再加D蠔油 五香粉)爆香佢,再落 牛腩兜炒,加水加調味(水起碼要有1.5至2杯,否則個煲不能加壓)兜勻D嘢,將個煲放落地加上個壓力煲蓋(因為要用力壓緊個煲,所以我放在地上蓋,否則如果你就咁係個爐上加上壓力蓋,因為要用力壓,個頂著個煲的爐頭架怕會快爛)加了壓力蓋封密之後,等到個煲滾起轉小火(個爐轉到好小好小的微微火就夠),滾起計5個字時間夠鐘,個煲離火,等2個字才開蓋(等佢自然減壓),試試味,啱味就將個煲回爐開火,滾起用生粉水埋芡埋,加D麻油兜香上碟,

記得因為高速煲聽得多新聞說爆炸之類,所以我們一定要有個警惕性來使用,用時唔好出街,要時時看看個煲煲緊的情況,滾起之後轉小火,我有時轉的不夠小(但都已經轉了小),個煲會呱呱叫,我去看見到個溫度器指到去110度,拿拿聲轉到只有微微小火點,.. 而我地常聽人說爆炸的事,我想是他們煲落嘢唔記得,個煲就大大火的一路煲,唔煲到爆都唔得啦,總之你記著要時時去看看個煲煲緊的情況,就唔怕好似新聞咁....

2007-11-11 23:51:04 補充：
請勿盜取我的文字 內容

妳係要黎煲湯、炆肉、煮飯、定其它用途，如果煲湯炆肉的話，材料連水不能多於煲的容量七成，如果超過七成會塞排氣管，留意壓力煲應該跟兩個壓力閥，一個紅色一個綠色，煲湯、紅、綠豆沙用綠色，炆肉用紅色，煲紅、綠豆沙或其它豆類時，要留意壓力煲頂壓力閥有否蒸汽排出，如果沒有蒸汽排出，先熄爐然後將壓力煲放洗碗盤內，開水喉沖將煲降溫至保險制降下除下煲蓋，然後用牙籤通排氣管後再煲，小心如果保險制升起後，要留意是否有蒸汽排出，煲任何食物時先用大火煲至有蒸汽排出，然後轉用中或細火煲，大部份食物大約都係煲三十至四十分鐘就得。

使用任何牌子的壓力煲，都應該緊記水滾後收細火加熱，留意有否排氣噪音，如果突然排氣噪音消失，即排氣口被阻塞(一般會有後備排氣口)，要即時熄火放氣減壓檢查，否則就算名牌煲，排氣口被塞，一樣會爆炸。

2007-11-11 17:51:49 補充：
- 使用前詳閱說明書。- 小心選擇烹煮的材料，不宜選在烹煮過程中可能令氣孔阻塞的材料。- 不可放進過多食物，特別是會脹大的食物如米類和豆類，要酌量減少分量。- 切勿讓壓力煲煲乾水，或空煲加熱。- 使用前檢查排氣口是否暢通。- 煲蓋膠圈一旦硬化或變形便需更換。- 烹調後，先關火及進行降壓後才可打開煲蓋。