我養了一頭啡色迷你富貴狗

我唔確定你對養狗既知識有多少, 例如打預防針既時間, 幾時要杜蟲....等等. 有不知你小狗有多大, 但我假設佢係3個月BB及你知以上基本知識啦! 咁我只講狗狗既日常食用品你知,
希望幫到你. 因我都是養POODLE的.

狗糧 - 我狗狗是食ROYLE CANNIE既BB糧, 呢隻糧營養OK, 可食到9個月之後先轉糧,
因BB糧營養高易吸收. BB要小食多餐, 4-5餐都OK, 大D可食早晚兩餐, 加大份量.

水 - 我比熟水佢飲, 無咁易肚痛. 最好用水樽飲, 唔係咀邊D毛好昜變黑.

沖涼用品 - 未打齊3支針唔好沖涼住, 但可用干洗粉.

營養品 - 狗狗在5個月左右可比海澡粉佢食, 我狗狗食-愛獅馬.

日常清潔用品- 每1-2日要用洗眼葯水幫佢抺眼, 因小狗眼分泌較多, 唔抺眼下既毛會變黑.
我果隻係奶茶色就要日日抺. 耳仔亦一個星期左右要用洗耳葯水抺.

梳毛 - 每天盡量幫佢梳一次毛, 有助毛發健康, 另POODLE好小脫毛, 要幫佢梳先可速進生長.

剪毛 - 打齊3支針後可去沖涼及剪毛, 剪左D BB毛佢既毛就會越黎越卷.

另未打齊針, 唔好出街比佢落地, 唔好比佢同其他狗玩, 因佢抵抗力好低. 就算屋企放佢出黎玩, 都要確定地下好清潔.

要養狗既細節有好多, 如果有其他問題可SEND E-MAIL 比我.

基本上上面0個位都講0左好多.....我只係想補充下.....

1. 千祈唔好俾royal canin狗狗食,呢隻狗糧出0左名無營養,味精同鹽份都高,對狗狗絕對無益,獸醫推薦係因為佢0地代理呢隻糧0者.你可以試下俾canidae, innova, fromm, timberwolf, natural balance 佢食,因為呢幾隻牌子都係天然糧.餵糧0既份量可以按糧袋上面0既instructions.

2. bb狗係唔需要食補充劑住,因為會影響發育,所有補充劑等佢一歲開始先好食.一隻好0既bb狗糧就已經好足夠!

3. 貴婦狗0既毛鬈唔鬈係取決於佢先天遺傳,剃得多唔代表佢會鬈d同密d.同埋貴婦係唔會換毛,佢越大d毛就會越密0架喇.同埋,依家天氣開始轉涼,唔好同佢沖涼太密,亦唔好剃哂d毛,唔係會凍親佢.bb狗凍親係可大可小0架!如果你真係覺得佢污糟0既話,可以用暖0既濕毛巾幫佢抺下身,跟住即刻吹番乾佢.仲有就係唔好用乾洗粉,會令到佢皮膚乾.

4. 仲有d基本0既: 每日同佢梳一次毛,因為poodle d毛越鬈會越易打結.每三個月杜一次蟲,每個月滴一次frontline同食一粒heartguad,呢3項都係預防體內寄生蟲,蝨,心絲蟲....etc.定期去打預防針,植晶片,最好做多個狗牌刻0左主人電話號碼,走失0左都可以聯絡到你.出街千祈唔好放繩.可以0既話,每日同佢刷牙,可以預防牙石.

其實仲有好多0既......你可以join poopooclub.com,呢個係poodle會,有咩問題post上去,好快會有人答到你~~