✔ 最佳答案
樓主可能讀過大陸憤青們的低水平理論，所以才有此疑問。有一件我覺得作為中國人真係好悲哀，就係有好多人自己的眼界比井中的青蛙還小，卻竟敢奢談天下大事。這些人的邏輯很有趣，以為自己不行，別人亦同樣不行。殊不知天外有天，人外有人，有一些國家和人的能力簡直高到匪夷所思，然而他們的能耐是事實，做人最緊要知道學海無涯，唯勤是岸的道理才能虛心學習別人，從而令自己進步。
言歸正傳，小弟逐個問題回應樓主。首先，1969年的電腦有無咁先進﹖點解無﹖！唔好睇少美國人，他們1961年已可以將北極星飛彈打到二千幾公里遠，然誤差只有一公里。美國的航行者1及2號太空船在1970年代末發射，到現在已飛離太陽系，它們離地球的距離至少是地月距離的500倍發射回來的電波的能量只有一隻手錶電池的二百億份之一，但30年來兩艘太空船從未與地球失去聯絡！其實去月球在純理論上無甚難度，因為地月相對運動非常穩定，而太空或月球上的環境又幾穩定，去月球的軌道搵人手計都得，只不過花更長時間而已。以前的電腦相比起現在沒錯是性能不高，但像計軌道此等簡單工作，絕對難不到它。
至於第二條問題就絕對是太低估前人的能力。飛機在1903年出現時不比一個風箏先進多少，但10年後的1913年已有靈活實用的戰鬥機出現。而火箭在1940年代還是實驗性質較多，但十多年後的1957年人類已可用它發射人造衛星，那麼再過十二年後的1969 年能送人上月球有甚麼問題﹖講多兩件事讓樓主明白美國人的超一流科技實力。美國人在原子彈爆炸後9年的1954年已能將核反應堆大規模地縮小放進一艘潛艇內，這就是著名的鸚鵡螺號，後來美國更在1965 年裝備第一艘核動力航母但那時世界上很多地方連電燈也未有。美國人在1950年代就研究高超音速飛機，1960年代已研制出能飛3倍音速的大型轟炸機B-70，但美國人嫌它落後，無法突破蘇聯的防空體系而放棄，改而研究隱形轟炸機，但那時世界上很多地方連超音速飛機也未有。香港算得上是先進的地方﹖比起第三世界地方香港的確幾先進，但香港人在1980年代之前連電腦都未必見過，而人地美國人係電腦科學既開山祖師，我地有咩資格懷疑美國人的電腦科技﹖
第三和第四個問題顯示樓主對登月過程的無知。登月太空船由兩大部份，即主船和登月艙組成。主船又分為指揮艙及服務艙，而登月艙則分為上升級及下降級兩部份。登月時只有登月艙會降落月球，主船會繞月飛行等待。而整個登月艙只有9 噸重，以飛行器來說算是很輕，但太空人回去和主船會合時又只會乘坐上升級離開，這樣重量又減少幾噸，再加上月球的引力只有地球的六份之一，於是離開月球的飛船的引擎可以很小，也不用很多燃料就可回去和主船會合。
回去地球時，主船的服務艙及登月艙的上升級都會被拋棄，只有那個小小的，僅僅夠三人並排而坐的指揮艙會返回地球。那個指揮艙只是一個很普通的，能返回地球的載人太空船。它和其他太空船一樣都是用只能用一次的隔熱層去抵抗回來時與空氣摩擦產生的高熱，這太空船回來後就不能再用，和當時的任何其他載人太空船完全一樣。整個登月太空船連火箭發射時有2500噸重，但回來的部份只有幾噸，美國人就係用呢種“dum得就dum”既超浪費方法去登月。他們當然知道這樣做效費比很差，但那是當時唯一可行的辦法，而且美國浪費得起，所以一點問題也沒有。
另外，以前有一位網友說登月太空船很難對準軌道。嘩！大佬！太空船入軌係最基本要掌握的技術，如果連呢啲小兒科野美國人都唔識做，咁美國人根本就無能力發射任何物體上太空，因為所有在太空上的物件都要精確入軌才能運作。如果死都要拗，咁樣我只能夠話美國過去所有的太空任務都是假既，咁樣滿意未﹖
2007-11-09 21:41:10 補充：
樓主乃粗魯無知的卑鄙小人，我也不再和你客氣。請白痴樓主用一小時重讀我既留言第一句一千次，我話你可能“讀過”憤青們既言論，而唔係話你係大陸憤青，如果你白痴到連咁簡單既中文都睇唔明，唔該即刻收皮。另外樓主簡直就是神人，天下間只有美國人上過月球，但樓主竟然有辦法確鑿無疑地知道月球上沒有美國登月艙既下降級，莫非樓主真係有天眼通﹖！定係樓主既白痴又有妄想症，將自己既幻想當成事實﹖
2007-11-10 17:45:27 補充：
先回應頭腦簡單的樓主。我從無肯定地說月球上真有登月艙的下降級存在。美國人這樣說，我就這說。關鍵是現在世界上除美國人之外無人知道究竟月球上是否真的有登月的實物証據，如登月艙下降級、美國旗及其他科學儀器。樓下的志雲兄講得實在太好，美國人的說法理論上可行，記住是理論上可行。由於全世界都無法証明美國人講大話，而他們又能自完其說，所以包括我在內的大部份人都相信阿波羅計劃的成就。
2007-11-10 17:52:28 補充：
再回志雲兄關於輻射的論點。事實上當我初時聽到這個論點時，我覺得它是懷疑登月真有其事的最有力証據。我有幾年時間都聽不到美國人對這個論點的回應。但之前我終於聽到一個美國太空科學家對此論點的解釋。他說沒錯地球外的范艾倫輻射帶是對人體有害，但由於太空人來回月球時只有數小時經過此輻射帶，所以他們沒有足夠時間吸收致命的輻射劑量。當然我對這回應不算很滿意，但還算可以自圓其說，至少我無法証明他講大話，所以我暫時相信。
2007-11-10 17:58:48 補充：
近來又有大陸憤青對美國人登月此事大做文章。他們說美國人遺失了土星五號的設計圖及其他相關的登月資料，所以事情的真偽很有可疑。這又再一次證明大陸憤青的膚淺無知。人地美國人唔需要向你證明任何事，總之事實擺在眼前，信唔信由得你。情形就好似你去南極旅行，你影左啲相歡天喜地去和其他人分享你既經歷，但其他人硬係話你吹水，話你根本無去過南極，更對你影番黎既相指指點點，比著係你你會點做﹖
2007-11-10 18:05:11 補充：
如果係我，我根本就唔會去同呢啲咁膚淺既人拗，因為我去南極旅行係我既事，我唔需要其他人相信。美國人登月呢件事亦一樣，美國人上月球唔係要向大陸憤青証明任何事，所以美國人無需要保留所有資料，好似要向法庭脫罪咁為自己辯護。如果第時有人懷疑中國係唔係真係派過人上太空，咁中國係唔係又要翻箱倒籠向全世界証明自己既成就﹖
2007-11-10 21:57:21 補充：
唉！見樓主入世未深，就等哥哥教你一啲做人既道理。呢個世界有咩野係絕對肯定無疑既﹖你有時連自己係唔係肚餓同眼瞓都唔知。如果一個人唔相信所有佢未見過既野，咁佢好難係呢個世界生存。起碼佢就唔可以信電台既交通消息，因為佢未見過電台話交通擠塞既地區塞車，所以佢唯一可以做既就係去話有塞車既地睇吓係唔係真係咁塞。當然真係有人會咁做，但你覺得大部份會唔會走去嘥埋啲咁既時間﹖
2007-11-10 22:02:55 補充：
另外呢個人亦唔會信天氣報告。如果朝早陽光普照，但天氣報告話下晝會落雨，你估正常人會唔會真係唔帶遮去試吓比雨淋﹖
2007-11-10 22:09:56 補充：
同上面雨個例子同理，懷疑登月既理論有一個無法自圓其說既極大漏洞，就係阿波羅登月計劃係人類歷史上其中一個有最多證據，同時又最難做假既太空計劃，如果連佢都係假，咁樣基本上以前既所有太空計劃都有做假既可能！點解樓主唔懷疑一下蘇聯竟然可以係1957年就發射第一個衛星﹖蘇聯呢次發射甚至連一幅相做證都無！而射加加林上太空更只有他在太空艙內的影片為證，完全無窗外既風景做證，點解樓主唔懷疑佢既真假﹖
2007-11-10 22:16:44 補充：
我知樓主年紀仲細，批判思考能力唔強，但唔該用個腦唸下，咁大個計劃，牽涉到幾百萬人及整整十年既時間，而美國又係一個資訊好開放既國家，你認為可以瞞得過天下人去做假﹖蘇聯係1960年代後期試射幾次探月火箭都失敗，如果美國真係做假，蘇聯人會唔千方百計踼爆佢﹖唔好忘記蘇聯既KGB係世界上最大既特務組織，要踼爆一個咁巨型既假計劃可謂易如反掌。但美國人宣佈登月成功後，蘇聯也祝賀美國人的成功，你以為蘇聯真係咁易呃﹖
2007-11-10 22:23:48 補充：
不過以樓主粗鄙兼無腦既性格都係唔配有咁高既思考能力架啦！都係一位大陸網友講得好，人地有無去過月球根本就唔關我地中國人事，我地要承認同人地既差距，然後做好自己，令嫦娥計劃真正造福我國先係真正重要既事，一味妒忌同懷疑人地既成就係低裝同小器既表現。
2007-11-10 22:29:16 補充：
回志雲兄，我覺得中國開始探月並非為爭啖氣。因為我唸大家都知月球上面有豐富既資源，如果中國依家唔去開始探測工作，等第時人地有能力去開採資源時同建立月球基地時，我地會因為無相關技術而白白睇住人地發達。我覺得大陸今次對嫦娥計劃既態度好正確，就係唔同其他國家比較，專心做好自己既工作，繼而用得來既成果造福後世，我覺得任何人都應該支持呢種實是求是既態度。
2007-11-12 07:55:16 補充：
白痴樓主講野經常自打嘴巴。我唔知點解樓主咁肯定月球無登月艙既下降級﹖唔通樓主去過月球﹖我發覺樓主係典型既無知大陸憤青，人粗魯無恥唔在講，仲要好似食帶咁講幾次月球無登月艙既下降級，我唔知你有咩驚世證據證明美國人係度講大話﹖喂！唔好吹得就吹！有咩硬野證據就立刻囉出黎比大家睇！
