可否分享餵人奶經驗?

初頭幾次啜真係好痛, 我仲比BB啜到出血,
姑娘話因為BB仲未識得點啜, 唔識應,
後來啜多幾次, 已經冇再痛...

人奶有好多抗體而又天然, BB食左係真係會健康D,
但都唔係話奶粉一定唔好, 而家好多奶粉都好有營養!
始終都係睇媽媽既決定,
而家好多媽媽都唔係餵全人奶, 一半人奶一半奶粉又得(我都係咁)...

初初餵人奶係幾辛苦嫁, 我仲成日「形」住自己冇奶出,
又谷奶谷到好痛, 後來餵多幾次, D奶就順返, 多到漏出黎...


人奶又唔使錢, BB又健康D,
而且我覺得餵人奶好有做媽媽既感覺!


我支持你餵人奶!^______^

餵人奶真係好辛苦o架！！

我又無痛噃！只係無覺好瞓，因BB每隔兩個至三個鐘到就要食一次奶。

我都唔係太難餵，只不過係擔心BB唔知食咗幾多，又唔知夠唔夠飽。我BB係早產嘅，所以唔係好知自己飽與餓，所以又用機，又用奶粉，搞到好混亂。後來BB大啲又習慣咗，肚餓就叫，咁就唔洗擔心會餓親，所以就餵全人奶。

我個小B依家36日喇！出世六磅，依家八磅幾。

食人奶嘅BB好凑啲o架！因食奶粉比較熱氣，BB會燥啲！

雖然係好辛苦，但係值得！當你餵BB時，你會覺得同BB好親密，好溫馨！！

你好!
我都係岩岩做人媽咪, 餵人奶真係幾辛苦又痛喎, 而且可能d奶唔太夠，有時bb 要一個鐘食一次, 當然佢肚餓一定會話你聽 (喊), 所以幾辛苦, 我試過泵出黎, 部機都泵得幾痛呀! 而且又要預時間泵, 所以我現在就埋身餵囉, 如果埋身你就未必知佢食幾多呀, 所以你餵既次數就會好密呀... 雖然辛苦, 但當你知bb 食左會健康d 你一定會餵既!

而我半夜就比一次奶粉佢飲, 因為飲奶粉會飽好多架...