我十一月廿六至廿九跟東瀛游去韓國，想知十一月尾韓國既天氣會係點..

我9月中(2007)去完韓國 , 情況如下:

1. 天氣: 勁干 , 一定要多帶補濕用品 , 我o係香港平時個鼻鼻會出油 , 去到果邊竟然干到甩皮 , 9月中za >口<" , 同埋妳11月應該會凍d , 上機前果晚睇下韓國天氣報告 , 多帶件褸會安全d

2.買衫: 隨團必去東大門同明洞睇衫 , 果到d衫同accesories. .. 唉. .. 完全唔岩香港個trend , 香港會跟日本trend多d , 去到韓國覺得d衫好"成熟". . .對於衫同accesories真係有d失望 , 買鞋更加唔會 , 香港仲平d - - (ps:男仔d衫先笑爆咀 , 件件恤衫都deep V , hahaha)

3. 消費: 韓國果邊d野勁貴 , 仲貴過日本(本人覺得) , 食個麥當當早餐都要$38(hk)左右(因為夜機 , 早上落機o係機場搵食) 。 o係韓國機場對韓幣 , 領隊話對$3000(hk)夠用5天 , 我本來仲驚死唔夠 , 點知有淨. . .真係冇乜野好買

4. 護膚品+手信: laneige會必睇 , 不過我冇用開 , 淨係聽團友話平過hk少少喎 , 仲有skin face要搶購多d , 平過hk好多 , 好多團友都大掃skin face d野 , missha或者其他我望過都唔係平hk好多za ; 手信以紫菜同護膚品為主 , 記得紫菜零食要o係樂天supermarket掃多d , 明洞有d耳環係買$1000(around$10hk)ge舖頭 , 都幾抵

5. 啱男仔睇: 可以話冇 , 我d朋友去到都係幫家姐阿妹掃護膚品 , 佢地唔岩睇 , 仲阻住哂我掃貨-..- , 不過樂天同夢幻樂園岩佢地玩 , 幾好玩ga

6. 食: 餐餐炮菜- -" , 不過跟團可放心 , 一定會有岩hk人食ge野 , 去到可買辛辣杯麵 , 好多 , 唔怕會餓親 , 我d朋友晚晚食一個做燒夜 , 變態~

7. 卡: 我冇用 , 因為收cash多 , 不過一定要帶定visa卡 , 因為o係韓國機場我地遇到出示visa卡有禮品送(係擦老泥手套) , 我帶左master卡T^T , 以後都係必帶VISA la. . .

8. 特別野: 除左當地導遊 , 會有個做影相的人跟團(影相仔) , 佢會幫妳地影相 , 臨走會俾5R相妳揀 , 一張相$45(HK)左右 , 影得幾令令 , 唔怕俾佢影多D , 因為唔令可以唔要 ^^ (ps因為個影相的人除左會影相外 , 仲會幫團友打點好多野 , so我都買左好多張相 , 多謝佢 , 佢冇收導遊費的 , 靠收相錢 , 好好人)

2007-11-08 15:52:45 補充：
9. 仲有 , 游水要帶泳衣 泳帽 , 泳帽一定要帶 , 唔帶可以租 , 不過"貴" , 呢點東瀛游應該會提妳

2007-11-08 23:17:50 補充：
10. 更正: 係"skin food" , 一路做野一路覆 , 打錯字都唔知tim^^"11. o係韓國唔好講日文 , 韓國人好憎日本人ga ; 同埋唔好講"朱古力"呢3個字 , 韓文好似話打人ge意c , 要講就用"chocolate"英文 , 係導遊講ga , 我都唔肯定係咪真. . .