可否不用暖管

用棉布或發泡膠包裹都冇用。
以上兩種物料都有隔熱功能，但係冇增溫功能。即係話，如果裏面暖，就可以保溫，但如果裏面都係凍，咁就只會繼續凍。而且你點包都包唔到水面架啦，而水o既蒸發先係帶走熱能o既最有效途徑。其他方法，可以用火數高o既燈照住水面，但咁樣好間接，亦只係升到幾度，唔係辦法。
所以你點都要買暖管，冇得諗。去買支啦，盒面有容量幾多升適合用幾多火，但估計一尺缸仔當八升水，25W足夠啦，買時再睇睇支管有幾長，諗埋要點放。


2007-11-13 14:49:58 補充：
魚生活o既溫度都係三十度或以下，你支暖管點熱，都唔會令到水滾或熔化膠缸，因為暖管有恆溫裝置，如果真係壞左熱到咁緊要，佢都短路啦。

反而有一點可以一提：有ｄ用家建議細缸用暖管要用較細火數，因為一來魚唔係咁怕凍，廿度完全ｏｋ，但萬一恆溫器壞左，火收細o既管都唔會令水熱到死魚。