✔ 最佳答案
好朋友都只係得一兩個姐,因為要搵一個可以互訴心事既朋友真係好難.
不過,都一定會有人同你啱傾,興趣相近既.
如果你真係無乜好朋友既話,我諗係你自己既問題la.
多數都係你唔夠信任你既朋友,唔將自己既心交俾對方.
你試問下自己,有幾多野你係保留左,因為驚你d朋友周圍唱,所以無同佢地講?
你唔將自己既心交出黎,又點可能結識到交心既朋友?
又或者,你係嗰d高高在上既,目中無人既人,根本無人敢高攀你.
可能你全級第一,就覺得其他成績差既人配唔起你;
可能你跑步學界攞冠軍,就睇唔起d又肥跑步又慢既人.
如果你有咁既問題,就要檢討下自己la.
又又或者,你係d唔識講野既人,講親野就得罪人,所以d人就敬而遠之la.
咁你講野之前就要諗下要講既野有無得罪人之嫌,凡事都要從人地既角度諗!
我以前就係咁,一開口就得罪人,雖然我都有好多fd,但係都係因為我成績好,佢地想喺我度取經,根本無一個喺知心朋友.
上到中學,又識左好多fd,有一次,我同一個fd傾計,又講錯野,個fd就同我講:Elaine,你頭先講嗰d野好似過分左少少.
我先發現原來自己係d咁既人,即刻同佢講sorry.
佢話:唔緊要,最緊要識改就得la~
我呢個時候,先知道咩叫做交心朋友!
交心朋友,就係喺你錯既時候,識得話俾你聽,叫你改既.
講左咁多野,可能你都唔知我講咩.
不過只要記住,要愛你既朋友好似愛你自己一樣!
相信你一定可以識到一個最好既朋友!