腫瘤每月用$13300買藥丸化療

你可以同駐院既社工傾下。不過見駐院社工係要醫生轉介既。

你同醫生講下自己屋企既狀況，希望得到醫療資助。醫生會幫你填封轉介信。內容有提及你媽媽而家需要乜野方法治療周要幾多錢。

目前我所知既，有一個何鴻超教授基金，專門向癌症病人提供資助。如果你媽媽用既呢種藥有藥廠贊助，好似話可以唔駛錢買藥。不過，如果冇藥廠贊助，咁個基金只可以提供每個療程$3,000，每人最多可以得到6個療程既資助。

無論你申請綜援定係呢個基金會，你都需要準備同住家人既過去一年既收入證明、存款紀錄，同埋其他有關家庭收入及支出既資料。如果唔齊資料，佢地唔會幫你處理架。

至於綜援既申請，因為唁同既家庭組合，申請資格同獲得既金額都會唔同，你可以開下面既網址黎睇睇，入面有申請綜援既簡介，希望幫到你啦。

http://www.swd.gov.hk/tc/index/site_pubsvc/page_socsecu/sub_comprehens/

仲有，你可以叫駐院社工幫你媽媽申請傷殘津貼，都可以幫補下。

加油呀！

可揾醫院的醫務社工or揾報紙社會服務版記者