✔ 最佳答案
她應該有在4個多月時例行照超聲波,如果當時醫護人員話無問題就無問題;如果你怕的話,我個人建議你們再去照多一次超聲波。
現時我還有兩星期就生得,但相比上一胎真係細D,同上一胎六個月左右差不多大。中西醫都叫我吃多點東西長肉(看中醫是因為腳腫抽筋)。相比我上一胎,我這一胎就「頂心頂肺」得多,胎位比較直,上一胎比較橫;上一胎我仲食得行得玩得,這一胎就食多少少都會胃痛。
但從另一個角度來看,有可能是視覺上的問題。上一胎我是穿大肚裙的,個肚比較覺眼;但因為我這一胎我人容易病,所以買大肚牛仔長褲穿,感覺上個肚無咁覺眼。去乘車都被幾個OL同我爭位,仲差點撞到我個肚,所以有時我都唔坐啦!
其實只要個大人無乜大病痛,體重進度正常就無需要過分擔心。個肚太大體重好易超標,跟住又會血壓高、糖尿等問題,大肚後期又要食營養餐會好淒涼,因為大肚後期會比前期開胃得多。
總之她有去產前檢查就不用擔心,有事醫護人員會叫你去做多些少檢查。而且大肚婆本身情緒比較容易不穩,你有時間去擔心,不如花點時間去逗你女友開心好過,唔係好易有抑鬱,尤其是無工作待產的女人。