新手養熱帶魚

１．我訂造一個三十寸缸，六百蚊左右，你呢個大小相信四百左右都有交易（亦要睇你用幾厚玻璃），但如果你買現貨就一定平ｄ啦。
２．當你個缸２５ｃｍ闊，大約有３０Ｌ水，咁即係可以養長度共３０ｃｍo既魚。當一條燈魚２ｃｍ，即係１５條。呢個係參巧數字，如果過濾系統成熟，效能又夠，可以養三十條都得。但係加魚要慢，唔好一袋五十條咁買，多多都唔夠死。
３．搵工人都要講明係乜野工作先得架。吸玻璃面青苔的話可以用小鬍子，食缸底剩糧就可以用各式老鼠魚（小心認住係白老鼠o個個形狀先好買，買錯左沙鰍科〔如三間鼠〕會生到好大條同有攻擊性）。
４／５／６／７．過濾要平就用頂濾，效能最低，但水沖刷水面會溶氧，可以當埋氣泵用（同效能冇關）；掛缸邊o既掛濾方便，亦能溶氧，但容量細，放到o既濾材少，效能亦唔會高，２２寸缸唔多夠啦。要效能好可以用水壓大ｄo既濾桶，但當然貴ｄ。出水位如果接雨淋管等水打落水面，一樣溶到氧。但咁樣令水面有水衝刷，夜晚你會唔會嫌嘈先？
買過濾可以參考流量，起碼要有返個缸容量六倍左右，但再多ｄ仲好，只要出水唔會令到個缸打大風就得。燈如果只係用於睇魚，簡單ｄ都得，可以用紫管，睇魚最靚。但如果要種草，就要有泥／砂，燈又要用白管，又要睇色溫、火數，又要因應水深選管o既種類，再加 co2 供應，都成千幾二千蚊架。
要求冇咁高，種陰性草，養水榕／鐵皇冠／莫絲，用魚絲扎o係沉木上，co2 非必要，燈亦唔駛咁勁，非常簡單。
牌子就唔講啦，廢事宣傳，但你自己睇價錢就住 budget 啦，平o既就係國貨。

2007-11-07 13:20:36 補充：
認同樓上：氣泵真係冇乜所謂。不認同樓上：所謂益菌就係濾材（生物環）上o既硝化細菌；如果你養到害菌，你ｄ魚就已經有病啦。一個 set 得好o既缸，如果冇病魚／有病原o既水入缸，唔會有幾多害菌o既。