如果我既父母俾錢買首期,咁寫唔寫我老公名好???

如果你既父母俾錢買首期,你和老公可以慢慢還首期給倆老, 又可以加你老公個名, 因為最終都個層樓係你倆個人, 若將來不幸地離婚, 每人分一半都無損失. 因為你老公可以証明到佢有分供層樓, 就算佢無名,都可以從法律途徑追到的, 所以對你父母都不是很公平.
又或者, 你可以在樓契上, 不寫joint owner, 改用share.
joint係共同擁有, 如果你死左,咁自動會屬於聯名人, 但share即係業權者分配, 咁你可以用比例計算, 假切你佔2/3, 你老公1/3, 咁你死左之後, 你的2/3分一半給你配偶, 另一半你父母可以追回.當然我唔係咒你死, 我只係想告訴你知分別在那裡和有例子等你明白. 如有上述問題可問清楚律師.
你最好跟老公商談一下, 雖然係共同財產制, 但首期係你父母,而唔係你老公和你.咁你老公應該明白. 而且養父母係做人子女的責任.
有好多時候, 人心難測, 佢今日愛你, 他朝就好難話. 無人敢保證甚麼, 所以你可以參考以上兩個方案的.

另一個方法,
係你兩個"借父母50萬".. 簽借據同計返息

當然, 萬一係你死先, 對你父母保障係無JOINT或另一網友講的"SHARE"咁好.

2007-11-10 04:07:38 補充：
萬一你死先, 你唔知你老公會唔會拖數或照顧你兩老, 佢賣樓消失兩老都幾難追數.有d 人話結婚時/前 諗 "如果離婚" 唔好, 其實都唔係丫, 等於買保險一樣, 買咗唔等於你想不幸的事發生, 但萬一發生, 事先預備咗就好好多啦.

請問你地結左婚未架.....未結就諗埋離婚既事!!!咁不如唔好結啦，咁咪唔會有呢d事發生囉! 如果你唔加你老公個名...我又覺得你同你老公都唔係好好o者d關係，如果雙方有愛係鍾意，我覺得點解又咁介意呢方面呢! 咁執著呢! 你爸爸媽媽比首期，但係將來係你地供架ma，你老公都有付出，咁難道就獨吞.
而且點解要諗到離婚呢個問題，係你預知會發生，咁就唔好結婚，你會害左人地架!

如果係我, 我一定唔會加老公個名.
我會同老公一齊一路供樓一路儲錢還返d首期錢俾父母,還晒之後先加返老公個名.需然加名要俾錢,但對相方有保障.

買樓父母俾首期加你個名喺層樓度係理所當然
加得個名喺層度即係你父母鍚你先至會咁做
唔加你老公個名落層樓度亦都係理所當然
如果你老公係愛你係唔會計較加唔加佢個名落層樓度嘅
同得佢結婚佢都要照顧你嘅起居飲食架
你老豆老母幫咗你地等你地有個安樂窩
唔通層樓要落佢個名至肯供咩
如果要計得咁清楚咁不如叫佢俾首期啦
咁佢咪落埋佢個名囉
做女人結咗婚要為將來打算
無啲嘢揸手第日有咩事發生都有個竇呀嘛
今日唔知聽日事
正如你話齋第日如果要分身家
咁咪要將你老豆老母俾嗰啲都要分番一半俾佢？
雖然第日佢有份供樓啫
另一位網友話齋住邊度都要俾租架啦
總之一句講晒唔好加老公個名落層樓度
費事後悔

當然我都希望你地白頭到老
如果真係可以白頭到老
咁加唔加名都無乜所謂啦
層樓遲早都係留俾下一代架啦

其實唔洗問你老公要唔要加佢個名架
你剩係問佢肯唔肯一齊供層樓仲好啦
如果佢堅持要加佢名先至肯供
咁你就算罷啦叫你老豆老母唔洗諗啦
慳番啲首期好過啦
第日到你老豆老母百年歸老
寫層樓係留俾你仲好過啦

做人係要好現實架
人不為己天硃地滅
我話嘅!!!!!!!!!!

你當然可以不寫老公名,但是你們婚後真的不幸離婚,只要你老公可以證明他是有出錢供樓的,他都可以經法律程序,要求你賣樓,取回他的部份,但他所得的要根據賣樓時的價格按百分比分配

女人最簡單的方式 "撒嬌"
你父母給錢 當然做你的名 , 兩個人一起供樓 本來就是應該的
就算你跟男朋友同居 你给樓住 他都要交租是吧?
沒有什麼叫共同財產制 女人要的是保障 那麼將來生的小孩 到底該怎麼分呢?
不要套入共同財產圈套
女人要會撒嬌 就能破除很多障礙 對立只能製造問題

加油~ 好好談 沒問題