我想買倉鼠...

旺角金魚街一帶好多鼠店,價錢亦較平,可以去呢度睇下

養鼠鼠可平可貴,十分同意樓上既講法,唔好只為平而買到d有機會傷害到鼠鼠既用品,有d物品的確好平,但都要諗下點解會比其他既平咁多呢?細心諗清楚再買會較好,特別係木糠,最好唔好買最平既一隻(有味都唔好),因為可能混入好多碎木,殺菌過程又冇咩保障,易令鼠鼠過敏,亦會影響鼠鼠既呼吸系統,有d問題未必會即時反應到出唻,但用既日子耐左,可能就會出事

買鼠時要買既物品及留意事項:(大約價錢)
1)鼠籠(數十~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30~65)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
8)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
9)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
10)額外物品(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既

其他養鼠既資料,可參考以下我回答既知識:
http://hk.knowledge.yahoo.com/question/?qid=7007070304066

2007-11-09 01:37:36 補充：
唔建議買波收既轉輪,因為有以上(10)講既波波球同樣既問題

以下只作參考:

如果一開始養, 要買齊所有用品,則需要:

木槺:
大約8元至15元(要看大/小,有沒有香味而定)

冬天用的倉鼠棉:(未必一開始就要買)
大約10元至30元(要看大/小而定)

倉鼠籠:
大約48元至l00元不等(要看是什麼造#膠比較貴,鐵比較平#要看大/小而定)

沖涼粉:
大約l3元至50元(要看大/小而定)

倉鼠糧:
大約30元至40元(要看大/小而定)

濕紙巾(清潔倉鼠籠用):
大約10元(要看大/小而定)

水樽:(有時連籠迭給你)
大約l3元至35元(要看大/小而定)

磨牙石:
大約7元(好平又好大)(我附近先有)

品種價錢:
小灰霸:
5至10元

小紫王:
25至30元

小露寶:
40元

小銀弧:
35元

雲石:
45元

^如有問題請到
http://friendeasy.f.forumable.net/tc/
查問

籠
盡量唔好有鐵技: 因為佢地會飛d木康出黎, 又會咬鐵技咬到gong gong聲. 不過好處係一定唔會咬爛個籠同平, 三十蚊一套乜都有齊.

玩具
倉鼠同其它小朋友一樣, 都係要玩玩具, 若果籠內冇玩具, 咁佢地就會成日想偷走架喇!
1. 轉轉輪: 大部份的倉鼠都鍾意玩轉轉輪, 我就唔會買鐵的轉轉輪, 因為好容易俾條軸夾到. 我多數買d條軸響後面(二十至二十幾蚊)或波狀(三十幾蚊)的. 但係波狀的較易跌爛.
2. 溝渠: 即係一條管狀物体, 用途係俾佢地娟來娟去. 響寵物店的溝渠幾十多元一支, 不過靚d.
3. 波: 佢地唔識打波同踢波, 亦唔識咬波.

磨牙石
佢地d牙好長, 所以要磨, 唔磨會死架, 所以要小心. 但係佢地識得自己磨架喇, 但係亦好少會磨個磨牙石, 多數用d牙磨個籠同d玩具, 成日諗住咬爛左可以買過個新架喎!
1. 大小磨牙石: 呢d係平價磨牙石, 大的十四蚊, 小的三蚊, 但係不太適合倉鼠用, 適合龍貓用多d.
2. 長形磨牙石: 即係兩粒細磨牙石咁大, 長長地,好喳手d, 六蚊.

3. 鈣牙石: 一盒盒, 十八蚊一盒, 質地好似石膏, 但係我真係好懷疑咁"林之之"磨唔磨到, 一咬就散晒啦.

最平的倉鼠係灰倉,最平5-8蚊一隻,
最平的籠都要50蚊以上,
然木糠最平就大約5-10蚊,
糧就20-40蚊左右,
呢d都可以係旺角買到,
不過,我唔建議你睇價錢黎買野比鼠鼠,
因為平的野多數都唔係咁好,
仲有機會搞到鼠鼠敏感,
只會害左鼠鼠,
佢係得唔到幸福的,
所以買之前要三思,
如果真係唔係好有能力照顧的話,
就最好唔好買了!!