唐伯虎點秋香之求神

生白) 小姐﹐拜神呀﹐真係神心咯﹐拜得神多自有神庇佑﹐姐真係靚既啫﹐小姐﹐點解唔出聲呀。(小曲) 求神﹐求神﹐誠心禮佛來求靈神﹐同小姐你三生有幸﹐同小姐你成為情人﹐好心嬌姿你憐憫。(旦接) 勸你說話謹慎﹐嬌花休想過問﹐喂﹐勸你要立品行﹐快快離開﹐咪咁黏身。(生接) 小生熱情太甚﹐初相見心中愛玉人﹐我初初學人去蜜運﹐喂﹐省我貓面太無癮。(旦小曲) 衰人講嘢令我憎﹐所作所為﹐認真下品。(生接) 點算下品啫﹐我有心求鳳引咋﹐觀音你應動慈善既心㗎 (旦接) 觀音實無亂咁幫壞人立錯心﹐(生接) 觀世音都有救苦救難心㗎 (旦接) 你乞我僧﹐面懞夾牙痕。(生接) 我性風流﹐喂﹐我還未結婚。(旦接) 喂﹐你自量吓喇﹐係乜嘢人﹐你個貓樣生成會有人共結婚咩。(生接) 我著名貌美同姑娘合襯。(旦接) 啋﹐咪黎悶我呀﹐你悶人悶到擝既 (生接) 但求共你做對有情人。(旦接) 你個衰人﹐邊個共你相親。(生禿頭二王) 你呢隻高竇的貓兒﹐許配呢個痴人﹐最合襯。(旦唱序) 你可謂瘋狂傻腎。(生唱)鬼叫你風騷嬌嗲﹐而且態度咁天真。(旦唱序) 唔該你咪立壞個心啦。(接) 我有我拜神﹐你做乜將人胡混呀。(生唱序) 你一定拜神求婚嬪 (旦接) 你下流賤格﹐真係正一衰人 (唱序) 你做鬼好過做人。(生接) 就算我死落黃泉﹐魂魄都追隨你左近。(旦唱序) 我睇閻羅王都唔肯呀。(唱) 要你落十八層地獄﹐等你做隻地府既冤魂。(生白) 笑話喇。 (小曲) 相信泉下閻君﹐一定憐念有情人。(旦接) 咁你共鬼有緣份呀﹐快去地下成婚姻啦。(生接) 乜你咁鬼黑心唧﹐我心意一番真情共嬌訂鳳盟。(旦接) 你成個壞人﹐說話得人怒憤。(生接) 哈﹐你嬲得真美麗﹐最妙發嬌嗔﹐好心啦將我憐憫。 (旦接) 睇你週身冤氣騰騰﹐認真氣壞人。(生士工慢板) 一朵好嬌花﹐應要憐粉蝶﹐你好比天上嫦娥﹐令我情不自禁。(序白) 可憐吓啦小姐。 (旦快慢板) 登徒子﹐你似瘋狂。乞憐搖尾真係有失斯文﹐(生土工慢板) 我貌似潘安﹐風流倜儻﹐七尺昂藏﹐真係世間難揾。(序白) 嗱你睇真吓啦。(旦快慢板) 再講多﹐都嫌哂氣﹐今天倒運﹐遇啱你個學神。(生小曲) 我愛你貌美兼丰韻。還求望原諒我苦困。自見過你﹐頓覺心深印。(旦接) 成日咁悶人﹐令我太討厭﹐真真乞我憎﹐怒憤。(生接) 你完全唔明﹐我係世間既文人。你要應允﹐共我結婚嬪。(攝白) 應承啦小姐。(旦接) 邊個孖你同成婚。霎﹐妄想賤格無品。棧你亂咁諗。你若夠精即刻收吓心﹐大教瞓。(生中板) 叫一句好姑娘﹐我愛你面似芙蓉﹐都不用調脂傳紛。叫一句好小姐﹐我愛你秋波一轉﹐柳眼明媚窺人。叫一句好姑娘﹐我愛你口似櫻桃﹐更有入骨既銷魂丰韻。叫一句好小姐﹐我不是狂峰浪蝶﹐我係江南第一個才人。(花) 俺小生唐寅字伯虎號六如﹐蘇郡吳縣人﹐望小姐將痴郎憐憫。(白) 小姐﹐我係一個文人嚟㗎﹐唔係嚇你﹐我的學問好啃㗎噃。(旦白) 躝開。(旦長二王) 你呢個文人乞我憎﹐你個鼻哥的確啃﹐週圍錫索用個鼻聞人﹐勸你養性收心求學問﹐勸你行為自檢﹐真個失斯文。須知大好嬌花﹐豈容狂蝶引。就算花能解語﹐也未許浪蝶纏身。徒負了大好年華﹐就算你有滿腹經論﹐都係下品。(一才收堀白) 我無咁得閒同你發牙痕。(生白) 小姐你貴姓名呀﹖(旦白) 點解要講俾你知啫﹐唔講。(生白) 講啦小姐。(旦白) 哈﹐你咪拉手拉腳噃你。(生白) 咁你講喇。(旦氣白) 都話唔講咯。(另旦在遠處白) 秋香姐走喇。 (旦白) 哦﹐嚟喇。(生白) 哦﹐原來你係秋香姐呀。 (旦笑一聲下介) (生白) 秋香﹐秋香﹐唉﹐觀音賜我緣和份﹐回頭一笑倍銷魂。(快花) 且看是誰家淑女﹐我一於要死跟。

另一版本---龍梅電影

旦唱〕跪神前，敬備鮮花獻，叩懇仙師相賜太平年，祝禱太師夫婦榮華
　　　壽百年，華門高官貴顯祿永延，君恩多寵眷。

生白〕啊！意中人頂禮神前，我何不如此這般呢嘿！

旦唱〕靈神若見憐，成全孤飛燕子回巢，雙親得相見！

生白〕哈哈！小姐，你真係神心架啦！又咁孝心添！真係拜得神多自有神庇
　　　佑呀嘿！小姐，你真係靚0既0者！小姐，小姐，點解你總唔0采我0既呢？
　　 〔唱〕求神，求神，誠心拜跪來求良緣，同小姐你初初見面，名山
　　　邂逅奇逢奇緣，書生痴心竭誠獻呀！

旦唱〕勸你說話謹慎，嬌花休想結緣，你0既態度鄙賤，快跪開咪鬼黐身邊啦！

生唱〕小姐怒容滿面，你嬲得個樣真係甜！我衷心欲求了素願，你省0下貓面我
　　　無怨架！

旦白〕哈！你都算厚面皮個0番！

生白〕哈哈哈！麻麻地0者！

旦唱〕哼！登徒可惡神也厭！我擺脫不來佢壓裙邊！

生唱〕想親近0下添0者，冇討人厭0卦？天公也知我為情獨尊！

旦唱〕口咁花，要打你去豐都落油鑊裏煎，兼過刀山切開兩邊！

生唱〕我三叩首，望天賜良緣，普救痴心人，赤繩為我牽！

旦唱〕你確討厭，居心不善！

生唱〕你相貌美麗，我實在愛戀。好心可憐慰痴心渴念！

旦唱〕哼！你想我可憐，第二世先啦！

生唱〕我地似雙飛燕，十足並頭蓮！

旦唱〕你呢種衰人厚面皮又夠冤！

生唱〕我願化蝴蝶呀，裙邊常共眷！

昀唱〕你快成厲鬼，壽元實會短！

生唱〕唏！我為厲鬼亦向你來纏！

旦唱〕你個衰人死啦去，無謂眼冤！

生白〕乜你咁黑心0既？唱〕你呢隻高竇0既貓兒，我一見傾心愛戀！

旦唱〕真係神憎鬼都厭！

生唱〕我愛你風騷又嬌嗲，有如天上神仙！

旦唱〕你搵神仙快0的上西天啦！

生唱〕對住菩薩像前，何必用唇槍舌劍！

旦唱〕衰人把口真正賤呀，可恨你全無人格，早死早著，掘地長眠！

生唱〕牡丹花下做鬼也心甜！

旦唱〕就算你死落陰曹，閻王將你利根勾斷！

生唱〕我相貌堂堂唔似咁命短0卦？

旦唱〕你正式好眉好貌生沙虱，下流賤格你學到齊全，玷辱寶殿莊嚴！

生唱〕菩薩佢大發慈悲，仙女拒人千里遠，毋負我痴心一片！

旦唱〕你隻癩蛤蟆想食天鵝肉，狂蜂浪蝶無緣！

生唱〕小姐！我地緣份誠非淺，求神結得會面緣！

旦唱〕勸你莫心發狂念，你顧住成瘋癲！

生唱〕我得支好簽，我呢支簽主張姐兒共哥結鳳鸞！

旦唱〕你為人只有禮義廉！

生白〕係頂啦！小生彬彬有禮，仗義為懷，廉潔自持架小姐！

旦白〕哎0也！你以為我讚你0番？

生白〕哈哈，你話我仲禮義廉，咁仲唔係讚我？

旦白〕哼！我話你無恥呀蠢才！

生白〕0下？你真係咁樣話我？

旦唱〕咪響處示殷勤大獻！

生唱〕我相思饑渴念，我誓要死冤！

旦唱〕心中激憤怒火難歛！

生唱〕哈！你面泛紅霞，越嬲個樣越甜！

旦唱〕哈！真可厭！

生唱〕多情種，情懷難變！

旦唱〕心兒亂！

生唱〕應愛我，才貌雙全！

旦唱〕桃紅面！

生唱〕好姻緣，絲牽紅線！

旦白〕哎0也！仲唔躝起身？

生白〕唔！你唔應承我，我點都唔起身架啦！

旦白〕我0采你都0徙氣呀！

生白〕哎0也！小姐！

旦白〕哈！竟然咁下流，拉衫尾添呀！

生白〕小姐！我都唔記得問你貴姓名添！

旦白〕唔知！好放手囉0番！

生白〕你唔講，我點都唔放架啦！

旦白〕0下！你仲唔放，我、我嗌非禮架！

生白〕啊！

內叫〕秋香呀！秋香！

旦白〕啊！0黎啦！哼！

生白〕呵！啊！原來你叫做秋香呀！唱〕柳眼窺人千般艷，回眸一笑把情
　　　傳呀！妙妙妙！風流才子風流夢，唯望意中人結意中緣呀！

小姐﹐拜神呀﹐真係神心咯﹐拜得神多自有神庇佑﹐姐真係靚既啫﹐小姐﹐點解唔出聲呀。 求神﹐求神﹐誠心禮佛來求靈神﹐同小姐你三生有幸﹐同小姐你成為情人﹐好心嬌姿你憐憫。勸你說話謹慎﹐嬌花休想過問﹐喂﹐勸你要立品行﹐快快離開﹐咪咁黏身。 小生熱情太甚﹐初相見心中愛玉人﹐我初初學人去蜜運﹐喂﹐省我貓面太無癮。 衰人講嘢令我憎﹐所作所為﹐認真下品。(點算下品啫﹐我有心求鳳引咋﹐觀音你應動慈善既心㗎， 觀音實無亂咁幫壞人立錯心﹐ 觀世音都有救苦救難心㗎，你乞我僧﹐面懞夾牙痕。 我性風流﹐喂﹐我還未結婚。 喂﹐你自量吓喇﹐係乜嘢人﹐你個貓樣生成會有人共結婚咩。我著名貌美同姑娘合襯。 啋﹐咪黎悶我呀﹐你悶人悶到擝既 但求共你做對有情人。 你個衰人﹐邊個共你相親。 你呢隻高竇的貓兒﹐許配呢個痴人﹐最合襯。 你可謂瘋狂傻腎鬼叫你風騷嬌嗲﹐而且態度咁天真。 唔該你咪立壞個心啦。 我有我拜神﹐你做乜將人胡混呀。你一定拜神求婚嬪 你下流賤格﹐真係正一衰人 你做鬼好過做人。就算我死落黃泉﹐魂魄都追隨你左近。 我睇閻羅王都唔肯呀。 要你落十八層地獄﹐等你做隻地府既冤魂。笑話喇。 相信泉下閻君﹐一定憐念有情人。( 咁你共鬼有緣份呀﹐快去地下成婚姻啦。)乜你咁鬼黑心唧﹐我心意一番真情共嬌訂鳳盟。你成個壞人﹐說話得人怒憤。 哈﹐你嬲得真美麗﹐最妙發嬌嗔﹐好心啦將我憐憫。 睇你週身冤氣騰騰﹐認真氣壞人。一朵好嬌花﹐應要憐粉蝶﹐你好比天上嫦娥﹐令我情不自禁。可憐吓啦小姐。 (旦快慢板) 登徒子﹐你似瘋狂。乞憐搖尾真係有失斯文，我貌似潘安﹐風流倜儻﹐七尺昂藏﹐真係世間難揾。嗱你睇真吓啦。再講多﹐都嫌哂氣﹐今天倒運﹐遇啱你個學神。 我愛你貌美兼丰韻。還求望原諒我苦困。自見過你﹐頓覺心深印。 成日咁悶人﹐令我太討厭﹐真真乞我憎﹐怒憤。(生接) 你完全唔明﹐我係世間既文人。你要應允﹐共我結婚嬪。(攝白) 應承啦小姐。(旦接) 邊個孖你同成婚。霎﹐妄想賤格無品。棧你亂咁諗。你若夠精即刻收吓心﹐大教瞓。(生中板) 叫一句好姑娘﹐我愛你面似芙蓉﹐都不用調脂傳紛。叫一句好小姐﹐我愛你秋波一轉﹐柳眼明媚窺人。叫一句好姑娘﹐我愛你口似櫻桃﹐更有入骨既銷魂丰韻。叫一句好小姐﹐我不是狂峰浪蝶﹐我係江南第一個才人。(花) 俺小生唐寅字伯虎號六如﹐蘇郡吳縣人﹐望小姐將痴郎憐憫。(白) 小姐﹐我係一個文人嚟㗎﹐唔係嚇你﹐我的學問好啃㗎噃。(旦白) 躝開。(旦長二王) 你呢個文人乞我憎﹐你個鼻哥的確啃﹐週圍錫索用個鼻聞人﹐勸你養性收心求學問﹐勸你行為自檢﹐真個失斯文。須知大好嬌花﹐豈容狂蝶引。就算花能解語﹐也未許浪蝶纏身。徒負了大好年華﹐就算你有滿腹經論﹐都係下品。(一才收堀白) 我無咁得閒同你發牙痕。(生白) 小姐你貴姓名呀﹖(旦白) 點解要講俾你知啫﹐唔講。(生白) 講啦小姐。(旦白) 哈﹐你咪拉手拉腳噃你。(生白) 咁你講喇。(旦氣白) 都話唔講咯。(另旦在遠處白) 秋香姐走喇。 (旦白) 哦﹐嚟喇。(生白) 哦﹐原來你係秋香姐呀。 (旦笑一聲下介) (生白) 秋香﹐秋香﹐唉﹐觀音賜我緣和份﹐回頭一笑倍銷魂。(快花) 且看是誰家淑女﹐我一於要死跟。

我都想知 如果知既話話埋比我知thx