鼠鼠有bb會有d咩野情況發生?

希望網友tommy_bb6130唔好copy我既答案,我既答案都係自己一手一腳打出唻,胡亂copy又有咩意思呢?希望可以大家可以尊重一下原創,謝謝!
樓上既參考資料有d問題,樓上抄既係呢條先對,情況同而家呢條有d唔同: http://hk.knowledge.yahoo.com/question/?qid=7007102102868

A.放木糠入屋仔其實好正常,加上而家天氣轉涼,所以呢樣就冇咩特別

而肥左dd既話,除左有機會懷孕之外,仲要留意返會唔會係兩隻鼠有打交既行為,如果兩隻鼠一齊住,出現一大一細既情況,好可能已有一隻蝦第隻or打交既行為
要留意返兩隻鼠既身體及排泄物,如有打交之類既行為,就算未真係開始打,受到壓力,鼠鼠都易有肚瀉,甩毛,濕尾症之類既問題

仲有可能真係只係肥左,鼠鼠長大,慢慢係會大隻左既,留意返會唔會有俾鼠糧之外既食物俾鼠鼠,咁仲會令鼠鼠更加易肥,如果係咁既話,建議只係俾主糧俾鼠鼠食,因而家既主糧已有足夠既

B.倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

C.其實鼠鼠最好分籠,繁殖鼠鼠會有好多問題,希望你真係可以考慮一下唔好繁殖鼠鼠及一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-11-06 12:59:24 補充：
樓下網友講既野有d唔太認同,希望樓下網友唔好介意,唔係話做左我覺得有問題既野就一定唔得,而係有一定既風險,可避開風險,就當然盡力避免1)懷孕既鼠未必會下體有血,聽過有d鼠會有呢個情況,但我之前都有唔少鼠生過b,就未見過鼠媽媽下體有血,所以我覺得唔好用呢個為準,女鼠雖冇月經,但都有陰道出血既情況,又或鼠鼠如果內臟有問題,都會有痾血既現象,如果有血就當佢有左,而係有病既話,就十分危險2)而用摸鼠媽媽肚去研究鼠鼠係咪懷孕,我覺得有一定既風險,如果鼠鼠真係有左,鼠媽媽可能會以為你想傷害佢同bb同佢,咁就算生左bb出唻,都較大機會會唔理bb,而且如果摸得大力,都會對鼠媽媽唔好

2007-11-06 12:59:57 補充：
3)如鼠鼠生完bb,係唔好打擾佢,但建議唔好加布在籠外,因為忽然完全改變晒周圍環境,光暗情況又同之前唔同,鼠籠換位置鼠鼠已需要時間去適應,用布既話,對鼠鼠唻講就更大既轉變,所以我就覺得唔好加重鼠鼠既壓力會較好4)如真係生左bb,最好等到鼠b戒奶(18-21日)先洗籠or同鼠媽沖涼,鼠b一星期大就去掂鼠媽,都存在一定危險,都有網友在鼠鼠15日大時,鼠媽傷害鼠b既情況,一星期大就更細了鼠鼠生bb要留意事項,可參考以下我回答既知識http://hk.knowledge.yahoo.com/question/?qid=7007102804286

我隻鼠鼠係今年２月生左５隻ＢＢ～
你會見到隻懷孕ｇａ鼠鼠下體有Ｄ血，同埋佢個時會比較燥，我最記得係個時我摸下佢個肚仔，ｆｅｅｌ到佢個肚入面有Ｄ野係到郁郁下（個時我都比佢嚇親）
如果你隻鼠有ＢＢ，佢會肥左同燥左，我隻鼠鼠係生ｇａ前一日就好燥同係咁係到咬個
”龍”（我諗佢係好唔舒服）

你最好就係比定Ｄ綿花佢，因為佢如果真係生ｇａ話，佢Ｄ　ＢＢ出生時係冇體溫的，仲要記得唔好摸佢Ｄ　ＢＢ，如果唔係鼠ＢＢ會沾有你Ｄ味，到時鼠媽媽會食左Ｄ　ＢＢ，記得依家就好分開鼠爸爸啦！！！（因為鼠爸爸會食ＢＢ）

＊如果你有日見到你隻鼠媽媽訓左係到唔郁（你摸佢都唔理你）你就唔好煩佢，因為佢係到生緊ＢＢ（我上次就係比佢嚇死，佢個時生緊ＢＢ，我仲抱起左佢－　－”）
＊佢生個時你最好比定多Ｄ食物佢（佢唔夠食物會食左ＢＢ）
＊最好用黑色ｇａ布蓋住個”龍”（咁佢會覺得冇咁驚）
＊佢生完之後唔好同佢換野（木康都唔好換，只要比佢水同食物就得）生左之後ｇａ　１星期到就可以幫佢換野，我個時係用手套拎起佢Ｄ　ＢＢ，再同鼠媽媽沖涼，記得唔好幫Ｄ　ＢＢ沖
＊等到ＢＢ唔再飲奶就可以分開ｌａ