做偵探要點訓練思考之類？？

你講真架?你講果兩個都係靚仔+主角黎個喎!!
因為呢個世界暫時仲未有偵探學校,所以咪話呢d做到寓學習於娛樂既偵探,連工藤新一果種高校生偵探都未必真係有,因為你知差人唔會放閒人入現場。其實我明你意思架....你想話果d平日返學放學,好似普通人咁,但真正身份係連警方都要睇自己頭既超級天才偵探!!果種偶像型係嗎?不過...真係...冇d咁既人架.....
不過,如果一個人有d偵探頭腦,又的確好使好用。如果要做一個偵探咁既勁人,我個人認為邏輯思維同有知識係最重要。邏輯思維係有d人要谷下,有d人一直都有既能力(偵探與平民之分別...?)例如我話我好靚仔,可以作出既合理推斷有
1.我唔係女人。2.我既立場未必中立。3.係一句欠缺證據證明既說話等等各種。
當聽嫌疑人講野時,要識得做合理分析及組合,搵出當中既疑點,然後整理出事實。(又稱邏輯推理,應該好多人都玩過呢類遊戲,但要擁有最正確既判斷能力,好靠一個人常識夠唔夠,頭腦冷唔冷靜,仲有就係對自己有冇信心。通常偵探唔係神,要講出自己推理之前都好驚估錯兇手係乜水,然後俾人窒到口啞啞,糯爆....)咦?咁咪連口語溝通能力都好重要?得閒練下oral就得架啦。
仲有一點,要有人性。凡人類所做既事,必定同佢既心理有關。如果能夠從心理角度分析動機,對破案有好大既幫助。(我估....等於起碼破左40%案)但當一個唔好彩遇正d變態人,就要俾d想像力啦.....
*我認為自己屬於所謂既「消去法偵探」,將唔正確既事加以批判及否定,然後另尋方案,從而篩選出真正既答案,係我既專長...呵呵呵....

依家你係冇咩訓練做嫁炸,因為你太細啦~如果你想訓練自己既話,依家你做既只可以係睇多d偵探書,訓練一下自己既頭腦先~hope你做到偵探啦~加油呀~