澳門旅遊行程 (URGENT....)

以下是我自己計劃的行程及資料 , 請參考及自行作出調整 :

第一天

1. 先在澳門碼頭旅遊諮詢中心索取免費地圖, 先坐免費車到酒店攞房
--->乙水 仔官也街附近大利來記食猪扒包 ,木糠布甸--->
龍環葡韻住宅博物館 , 附近又有教堂 , 環境幽美 ,好靚 , 合拍照'很多人在這

裡拍婚紗照 ,是拍拖勝地 ,

2. 搭巴士到路環黑沙海 灘 , 燒烤(如不夠時間, 這點可刪除)
3. 晚上可搭免費車到威尼斯人渡假賭場 , 亦可選擇參觀永利 ,金沙 ,新葡京,皇冠等

第二天

1. 酒店早餐後可參觀大三巴 , 澳門博物館 ,---->賽車博物館 ,紅酒博物館 ---->二龍侯公園

, 纜車, 國父紀念館 , 盧九公園 ,觀音堂---->新馬路噴水池 ,郵政局 附近行街食麵 , 甜品小食---->

媽閣廟 , 海事博物館 , 如須回港 ,可在附近買手信,

2. 尚有時間的話, 可到旅遊塔或金沙食自助餐

3. 漁人碼頭 ---->可步行到澳門碼頭坐船回港

以上行程大部分可以搭巴士 ,巴士站和車身都有詳盡路線表,

又平又方便 , 澳門人很友善及樂於助人 , 問路絕無困難


*影相好去處 --- 乙水 仔 住宅博物館 ,

議事亭前地市政廳內 ,

漁人碼頭

各大賭場晚上霓虹夜景

各大教堂

大三巴

聖母像

黑沙海灘

*食物方面 :

在乙水 仔 官也街落車 , 就有莫義記大菜糕 , 木糠布甸 , 好味道

隔離就有誠昌水蟹粥 , 不過都幾貴 ,

行過D就有木偶 ,小飛象等多間葡國餐廳 , 葡國雞 , 馬介休 , 自然少不了 ,

離官也街稍遠有一間不大起眼的房屋 , 所賣的鳥結糖很不錯 ,

再過D就係大利來記猪扒包 , 咖哩魚蛋 , 加埋維他奶 , 正.

跟住可以搭巴士返回澳門, 新馬路落車 , 在對面是典當博物館 ,

後面的新埗頭街頣德行食豆腐花 ,

在清平直街 ,福隆新街祥記食蝦子撈麵 .

附近李康記食魚翅 , 佛笑樓食咖哩蟹和焗猪扒飯 ,

在議事亭前地附近的營地街市 , 樓上熟食中心 ,

雖然平民化 , 但有很多野食 , 又平又好味

同樣在議事亭前地義順食雙皮奶 , 附近食大堂炸雞 ,

之後又可以去荷蘭園禮記食雪糕三文治 ,

再唔飽既話 , 可以去埋金沙食環球自助晚餐 , 計埋加一都唔駛$200 .

此外 , 漁人碼頭都有很多酒吧食肆的 , 環境和氣氛也不錯哩 !

*順帶一提 : 各賭場均有免費專車行駛碼頭至賭場 ,

有些 (如金沙) 更有來往關閘至賭場線 , 盡量利用可以省回不少車費.

由於賭場有代客寄存行李的服務 , 在退房後我會將行李放在賭場 ,

然後到處遊覽和買手信 , 玩完才返賭場領回行李,

跟住坐專車到碼頭返港 , 非常方便哩 !
**去威尼斯人渡假村不要著黑白橫間tee ,
因為渡假村內門僮和服務員都穿上黑白橫間衫,
除非你有意融入其中喇 !
祝旅途愉快
我15/9-16/9又去左lu

以下係我去開的行程供你參考, 全部都順路的:
DAY1:
早上你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園). 中午可以在議事亭前地中央郵局附近的黃枝記食LUNCH, 主要係食中式粥類及粉麵.
下午可以到福隆新街睇下一些特色的街道, 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 跟住可以落一落去位於新口岸的觀音像及宋玉生公園參觀.
DAY 2:
早上可以去盧廉若公園及二龍喉公園. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 下午可以去一去漁人碼頭, 傍晚去澳門北面的關閘及三盞燈遊覽及食晚餐. 晚上可以去位於紅街市附近的逸園賽狗場觀看跑狗賽事, 逸園賽狗場要比10元的入場費, 入場後可憑入場券投注一次.
DAY 3:
搭車前往氹仔. 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 跟住去花城公園遊覽及到附近食Lunch, 食完Lunch後可以去四面佛. 下午茶可以去大利來記食豬扒包及飲馳名絲的襪奶茶, 不過記得要在3:00PM前去霸定位, 因為大利來記每日3:00PM會有新鮮出爐的豬扒包賣, 所以吸引左唔少人在此時段去食, 如果遲左去的話, 可能便食唔到新鮮出爐的豬扒包的了. 之後去官也街買手信, 你亦都可以去澳門氹仔官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚餐可以去官也街附近的熊貓餐廳食地道的萄國菜.
DAY 4:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡.