寫婚宴請柬親戚稱呼問題

在通勝可找到稱家族謂表可幫到你。

首先理論上一個家庭，只需發一張帖:
如果親戚未婚或就算結左婚，但與父母同住，就淨係發帖俾你姑丈（如健在／無離婚），再加「闔府統請」。
結左婚搬開左住，視為另一家庭，須另外發帖。


仲有帖上寫姑媽個名, 洗唔洗加埋"姑媽"呢兩個字呢??
睇你屋企人要求同你d親戚係咪注重啦! 但要記住一點，上一代可能會介意親戚之間唔用大家既關係黎稱呼，唔寫稱呼可能會話你當佢地係外人。另外要留意，一般好少會發帖俾已婚女性，除非已故、分開左或者你只識女方。請你姑媽一家，帖應該係寫俾你姑丈再加你姑媽既稱呼。


如果每個親戚都要寫關係既稱呼, 係咪以我既名義去請? 定係用父母既名義去請呢??
稱呼係睇你張帖用咩名義去出? 如果係以你父母名義出，就要以你爸爸同對方既關係黎稱呼對方

以父母名義發請帖的稱謂:

你的外公 - 外父大人
你的麻麻 - 母親大人
你的舅父 - (名字)兄 / 弟 (視乎舅父係你媽媽的哥哥還是弟弟)
你的姨丈 - (名字)姊夫 / 妹夫 (視乎姨丈係你媽媽的姊夫還是妹夫)
你的姑姐 - (名字)妹
你的阿叔 - (名字)弟
你的表姐 - 如表姐已嫁, 寫(表姐夫名字)先生夫人; 如表姐未嫁, 不用單獨發帖給她!