他說同我分手...放下包袱

=] 唔知你信唔信，我大概在十個月前，都跟你一樣有著類似的經驗
我同我的男朋友，那時候已經拍咗拖年幾兩年，
又因為我脾氣臭，又成日埋怨見唔夠，
所以佢開始覺得好累，對我愈來愈冷淡，
其實，我自己一早意識我們已經走近分手邊緣，
但我一直安慰自己，
告訴自己其實佢仲好愛我的，
我對佢來講係一個好重要的人，
佢冇咗我會唔得
..........
有一次，我同佢應佢d舊同學的約，一齊落pub玩。
往時，我地去親邊度玩佢都好care我睇住我，

但當晚，
佢非但沒理我，佢反而仲好似當我冇到、唔存在咁，
同其他女性咁玩得好癲、玩得好親密，
佢寧可照顧其他人，都唔願理我一眼，我覺得好hunt.
所以在走的時候，
我故意扮醉，生事，發佢脾氣，落佢面，
之後佢臨送到我返屋企時同我講分手
我當時個腦白哂，我不停咁喊，叫佢唔好，同佢講，
我會改，佢好決絕咁同我話：「唔得」
第二日，我打電話俾佢，要求同佢復合，
但佢好堅決咁叫我放棄佢，但話唔抗拒同我做返朋友，
(倔強的我當然唔打算放棄佢)
之後，我知道使硬的，佢唔受，咁當然就使軟的啦。
.....
之後，我打電話俾佢同佢講，我願意接受做返佢朋友，
答應佢表示，我會收起我對佢的愛在心內，
唔再纒住佢，唔會對「復合」再存有奢望，
但條件就係，佢一年內唔可以再同其他人拍拖住，
理由係我要時間癒合情偒
(哈﹗但真正的理由當然係，
我要令佢知道我會改進到，並令佢再次愛上我)
......
之後係點？咁當然係我同佢喺個半月後，拍返拖啦﹗


不過呢，如果你要學我的話，
你要冒一個好大的險，就係可能隨時真係會散，
真係有可能真係睇住佢同第二個女仔拍拖，
你能承受得住嗎？

如果得的話，你就去試試啦。
俾你參考下我當時的想法吖。

→佢值得我花咁大心力嗎？你有信心嗎？

→佢的性格係點呢？優點？缺點？
佢到底想要一個點樣的伴侶呢？
你乎合佢的條件嗎，而你又會點樣去改呢？

→你的性格係點呢？優點？缺點？
你個Mr. Right係咩性格呢？佢的性格接近嗎？
你認受到佢的性格上的缺點嗎？

→你可以長期認受呢種唔公平對待嗎？
(…仲有好多…你再想想…其實答案一早就有…不過你平時唔去想…所以…下場先會咁)


呢在係我e-mail再唔明就mail我啦，等我同你交流個心得吖：
[email protected]

2007-11-05 16:57:46 補充：
唔知點解我真係好想幫你，見到的情況就想起日的我，希望你信任我俾我幫你吖~

2007-11-05 17:11:40 補充：
不過，我在想，佢話仲愛你，可能佢對你仲有愛，分手出於冇奈，另一可能，就係佢在安慰緊你....

2007-11-05 17:18:34 補充：
如果，佢唔抗拒同你做返朋友GE話，咁即係話你仲有行lor~不過呢，就算你真係好想同返佢一齊都好，千萬唔好做到咁出面，佢有機會會反感的。到時候會弄巧反拙的。

2007-11-06 23:31:47 補充：
傻妹，你呢年幾並唔係白過的，如果佢係同你係來真的詁，佢D感情冇可能詁放就能放手的，都係果句佢唔抗拒同你做返朋友，即係話佢仲俾緊機會你，所有的男女之愛，起初都係由朋友開始(因為你俾的資料太唔夠喇﹗....又唔知佢專唔專一....又唔知佢想分手係咪真係頂你唔順...又唔知又有冇鍾意左第二個而你又唔知....又唔知佢曾經有幾鍾意你...).......不過，我估你男友其實都可能在回憶緊你地的共同回憶，不過佢有D良心的話，都會想起你的，因為你地一齊咁耐，佢都真係要D時間先能放得低你。

2007-11-07 00:25:53 補充：
我好明白，你呢種「很害怕現在做錯一步的話.....無法挽救...」的感受，個壓力真係好大，不過你要相信你同佢係有緣分，只係你有心有毅力肯去改，佢真係有眼睇到的，你身上有著佢欣賞你的優點，只不過你的脾氣太臭喇，以致男友忍無可忍罷﹗至於你同男友之間係咪真係緣分就要睇下你識唔識拿捏你的優點與缺點。至於，你梗係要打電話俾佢啦，但內容並唔係要求''牯''煲，話知道愛係冇得強求，話肯同佢做朋友，做佢知己，但希望佢一段時間內唔可以同拍拖，(理由你鍾意啦，類似係話俾D時間大家適應下...)最最最最......最緊表現得自然﹗

2007-11-07 00:49:38 補充：
(通常D男仔都會懶大方有風度咁話再見亦是朋友，所以通常都會答應的)之後要同佢KEEP聯絡，因為佢同你拍過拖成年，點都會有d習慣成自然，所以你就要食住佢呢點﹗之後你要間唔中，約下佢同成班FD一齊出來玩，因為習慣左照顧你，所以初期都會比較在意你，比較有想照顧你的衝動，如果你真係好想復合，就要好好拿捏佢呢種心態最好同要表現出自然，如果唔係佢會怕左你，唔敢在你面前出現，不過最緊愈快愈好，因為當佢掉淡左,你就要更需要花更大的心力。

2007-11-07 00:50:14 補充：
........不過要復合好難，對你的考驗係好大，甚至會比追一個新的情人更花心力，更難十倍，你受得住嗎(p.s. 甚至乎攪咁多野，最終得個吉....你自己好置為之啦 )

2007-11-07 16:20:15 補充：
你識釣魚嗎？你想治好你的男人的話，情況同釣魚差唔多。想要成為高手，首先就係要先了解條魚係想要ｄ咩。若果你知道ｄ魚係想要ｄ咩，你就俾ｄ咩佢，咁佢先會甘願上釣，乖乖的走上你的魚釣之上嫁嘛﹗千祈唔好俾『你以為佢會鐘意嘅嘢俾佢』，一句『你以為佢鐘意...』足以誤導你，害到你返唔到轉頭，假設你鐘意食花生，唔通....『你以為佢地都可能鐘意食...』，咁你又拎d花生去釣魚喇喎？﹗

2007-11-07 17:29:28 補充：
另外，釣魚仲有一種學問的，就係如果你唔想釣魚，變成喂魚的話，你就要同條魚打心理戰。或者你會覺好誇，但其實係的，因為你唔能夠太心急，讓條魚一下子得咁得到魚餌(因為咁樣做，d魚反而唔'house')，→就正如男人唔識珍惜一樣。

2007-11-07 17:29:49 補充：
另外，你俾條魚陰d陰d咁食D魚餌，等佢以為開始安全的時候，你就要收緊少少條魚絲，但要慢慢來，等個魚勾勾住條魚，(但又唔可一下子收緊哂，如果唔係佢唔走就奇喇﹗)→就正如你要令個男人甘願受擺佈，也要慢慢來。(若然你的情緒OR管教下下都大上大落，D男仔唔通就會唔怕左你咩？)處理男女感情就同釣魚好似，都係一場好高深的學問。有時就要進取些，有時就要以退為進。有時候要著緊D，有時就要放鬆下佢。

好詳細好好呀:D

其實我都好明你而家個心情，因為我都試過，我男友都好緊決咁同我講分開，話一早就對我冇哂感覺，我同佢一齊已經5年半了，我問佢，係幾時既時已經唔再愛我，佢話係一齊2-3年果陣已經係冇感覺，回想起，同你一樣我都成日發脾氣架，我同佢分開左一個星期，就一齊返，講真，如果你真心真意愛佢，我會支持你，雖然我唔識你，但係我明你而家個心情你想點，你覺得時間係好慢，就係因為冇左佢，咩胃口都冇，咩都唔想做，唔想諗，我明，但係你只要唔係做第三者個個，你永遠都係win個個。如果想搵人傾計既，你可以搵我,再同你分享返我既心情喇。唔好亂諗野，做傻事，因為我同你真係好似~~

我認為現階你做任何野都無用, 因為有些野, 尤其係感情, hurt了就hurt 了, 唔係一朝一夕可以無事, 要時間, 比時間大家冷靜一下, 之後你不妨用以關心佢的近況為理由去再接近佢, 看看可以復合, 其實感情一定有波折, 如果解決到, 我相信你同你男友的感情又昇華到另一階段, 不要責怪自己, 你的脾氣就由這一分鐘開始改啦, 如果你唔想無了佢, 仲要比佢覺得你改了對你改觀, 因為呢些事係兩人相就, 無話邊個錯與對, 放心啦, 若你肯定佢仍愛你, 最後應該會回來係身邊.

記住啦, 每次你又想發脾氣時, 請想下"你要珍惜眼前人"

祝你好運!!!

自己哽晒好辛苦啊呀，我明架，拍過拖的人一定明ga。這情況我經歷了半年，到最後俾人點醒：有D良心的男仔都會就咁講分手，點講得出我ng再愛你咁絕呀。話後悔提分手但不給你機會，其實一句講哂佢唔再愛你囉。愛真是一份包容，不是不可發脾氣，但會因明白為何發脾氣而接納對方的，發脾氣的一方亦要因而修正自己控制自己，長期俾人做出氣袋，愛會死的，而發脾氣的一直不改的話是不肯成長，繼續幼稚，你自己諗吓，你做到倦時佢唔倦咩，見面是找開心和慰藉。見到面是俾人做出氣袋，犯賤咩。係你都走啦。你咁有決心不放棄，就要從根本控制自己的脾氣，不是一時的控制，是要徹底的修正。另外不要為一口氣而不放手，你自己是不是真愛對方?你愛自己所以你會做令自己開心ga事，同樣你愛佢會千方百計做令佢開心ga事，所以因愛佢而改變是一定有動力改成功的。依家坦白講，就算你厚顏去nur佢俾機會你，nur到而一切不改變，維持唔會耐ga。平靜一點想想，如果佢之前都係真ga而佢仍愛你，你估佢而家會好過咩，唔係你一個人ga事。唔好只是沉在失戀的苦中，反醒這段感情是否可以繼續，以往有幾多唔好再計，而係從新開始計劃，如果佢都係放唔底，這段時間就係一個冷靜期，三個月後再和他聯絡，有反應就重新來過，到時如果撻唔番著即係要番都無謂，這段時間唔好搞到自己烏where where，執好自己的內外，去做吓義工，到西貢碼頭海旁行吓，一個人去都唔礙眼ga。

感情事本來就是一個很複雜的事.二個人的相愛除左要互信之外,能互相包容也是相當的重要.
如果你啲二個真係很相愛的話;大家就呢啲問題上去傾一傾;佢想你點樣做同埋你想佢點樣.
講真男人如果拍拖耐左就會想去成家;我唔知你男朋友係唔係有咁既諗法.但就呢件事情上;我建議你啲好好咁去傾下;大家想過怎樣的日子.

男同女一齊 點解要一定男比女發脾氣

有無分析原因點解會同妳分手

妳自己都知脾氣差

點解一直唔改

妳不會放棄原因係(妳覺得一齊左年幾, 第一次拍咁長既拖...唔想分手... )

唔係因為想同同佢好番

只係唔想哩幾年拍左拖咁耐...

妳都係放過佢啦

一係妳就改下d脾氣...

現在仲要等佢搵妳 妳仲唔想搵佢 表示妳一d都無後悔


根本係
妳的問題 仲要佢 追回妳, 妳都係反醒下啦

我覺得你地應該約出黎坐底兩個慢慢傾下..到底佢唔鍾意你咩因咩事情令到佢覺得同你一齊好似有一個包袱禁...而你而家最好就應該唔好再迫佢例如:點解你唔愛我呀??點解你會禁決心呀???你由始至終有幾愛我呀等等問題...雖然可能你好想知呢d答案但你禁樣問只會令佢更加覺得你煩

穩返佢...我体得出佢應該係仲中意你...跟住落黎就体你點做