疊茵庭、大興花園、新屯門中心----- 邊個好？

老實說 : 各有好處同壞處, 比我選擇的話, 我要屯門碼頭區, 如果一定要選擇的話則寧要疊茵庭, 因為樓零最新.

先說新屯門中心..

好處
1) 如果方向好的話, 那裡可以隔住碼頭區看到海景. 或黃金海岸(有時還見到一點點煙花)
2) 地方非常實用, 和實用率高足有85%
3) 價錢算平宜

壞處
1) 樓零最高..足足17年
2) 交通不便, 由於是中途站, 所以返工時常常冇車坐. 要企出九龍
3) 屋苑冇街市, 最近要去龍門居, 只得小小的一個泳池

大興花園

好處
1) 交通算方便, 行去巴士總站都好近,
2) 二期有一個大泳池
3) 部份地下連花園價錢都幾吸引

壞處
1) 麻麻地實用, 大約75%實用率
2) 樓零 : 第一期成18年, 第二期都成13年.
3) 屋苑冇街市, 最近要行去大興邨
4) 只得內園境觀. 即泳池境

疊茵庭

好處
1) 最新 : 7年樓零
2) 交通方便, 撘西鐵最方便
3) 又有網球場, 又有泳池咁. 設施算唔錯

壞處
1) 價錢最貴
2) 在寺院旁邊
3) 實用率算低..大約70%
4) 屋苑冇街市, 最近要行去富泰邨

大興花園

疊茵庭-去過我朋友屋企,鑽石形o既間屋,我覺得唔多實用,交通方面,搭巴士要行abt 15mins 去siu 康苑搭,搭西鐵or 輕鐵都要去siu 康苑,o個頭比較靜,如果夜晚返屋企都有d驚,不過在呢3個屋苑中,佢係最新,所以會所設施同屋苑外觀係最好。附近無商場,想食野要去siu康苑或富泰村,有點麻煩

大興花園-樓齡較舊,不過交通係3個屋苑中最方便,附近有巴士站去灣仔、旺角、觀塘、荃灣等,步行約7-8分鐘可到石排輕鐵站or 蔡意橋乘輕鐵往屯門市中心or元朗。附近因近工廠區,景觀麻麻,但有很多食肆,而且部分更開至凌晨,此外,大興花園亦近新墟,買"送"很平及多選擇,行5分鐘左右亦可到卓爾居的商場,內有m記,kfc,日本野,波仔,眼鏡88等商店...唯據我所知,好像沒有會所

新屯門中心,近碼頭,部分單位有海景/公園,高層景觀是3個屋苑中最好的,交通ok方便,可是通常都沒有位坐,但屋苑內有給居民乘搭的村巴到市區。屋苑有會所,但設施較舊,樓下有商場,可是空置率很高,有m記,大家樂及茶餐廳。樓高40多層(如沒記錯),所以好像有點局促。

3個屋苑中個人比較偏好新屯門中心,因為我比較著重景觀,如果講抵買,我覺得大興花園同新屯門中心都唔錯,疊茵庭我就唔會考慮了...

我最近都睇緊樓,疊茵庭的風水唔係幾好,四圍都見到d先人睡覺的地方,而且佢有個極樂寺,係安放先人骨灰架,夜晚好靜,如果自己一個人行都幾驚,不過如果講價錢,佢都叫抵買,無論樓齡,設施,管理都係三個屋苑最正,可能樓價係貴少少,不過其實尺價一d都唔貴.
其他兩個唔多講啦,人地都分析得好好啦,不過如果我介紹一個盤比你,係元朗既朗庭園,我睇過屯門疊茵庭,市中心,慧景閣,南浪海灣等等,最後我都係買左朗庭園,考慮下啦!!

疊茵庭環境非常清靜, 又係得幾年樓齡,空氣係3個屋苑中最好既, 但交通稍為小選擇性! 而大興花園就靜中帶旺同交通進出香港九龍都非常方便, 返工完全唔係問題, 又近卓爾居商場, 有好多食市選擇! 疊茵庭同大興花園都近西鐵站! 我就住緊大興, 非常滿意! 我最唔建議新屯門中心, 雖然佢視野好好, 又係輕鐵上蓋, 但其實要你靠輕鐵進出就好慘,輕鐵好慢又有排等呢, 附近無咩食市, 得個 "靜"字囉!