LCD TV 用左色差線睇dvd 質素

色差線同AV線既分別未去到一個天,一個地的地步的.
如果大家都同時輸入隔行掃瞄訊號,色差最明顯係輪廓會小咗一啲交义狀雜訊.你可以搵個靜止畫面例如DVD機的logo試下,就會睇到分別.
但色差有個好處係佢支援480i以上的解像度,如果你部DVD機有480P或者更高的增線輸出,咁佢畫面會比較好的.
其次係LCD電視的層次感通常會較傳統顯像管電視差的.顏色好容易一撻撻,要搵啲本身就係好靚既訊號餵佢先會靚,所以好多人都會奇怪點解咁貴買部電視翻來畫好似仲差過以前,出面電器舖播的都係HD畫面,所以會好靚,播DVD自然會差咗,特別係做得好既DVD真係好小.如果播電視分分鐘會更加差添.

2007-11-08 16:08:50 補充：
首先你係點樣接色差線?你應該係紅綠藍接翻紅綠藍.應該只係有畫面,聲音要另外接紅白線.並唔係就咁用色差線接紅黃白三個位.如果接啱咗照計好容易睇到分別.用AV線會睇到DVD機logo有啲交犬狀雜訊圍住個logo郁,用色差就會好定.要睇DVD機輸出幾多解像度部部機唔同,但通常在video設定 menu內.有啲機可以揀480i, 480p, 720p, 1080i, 1080p等,有啲淨係interlace或者progress.如果乜都冇得揀即係部機只有480i輸出.