(20分!!)做緊野想讀番個degree請問有冇特別要求同有冇好介紹?

唔好話幫手, 分享吓大家的我的經歷呀.
你的朋友28歲, 可以以mature student咁去申請入讀.
其實佢的情況首先係看看自己對邊科有興趣, 同埋係咪真係決心讀個degree, 因為對於返緊工的朋友來說, 兩者兼顧係好辛苦. 成日ot到八九點咁, 根本係無時間可以做到功課. 所以第一個條件係有無決心.

1) part time degree or遙距課程佢都可以讀, 而兩者的認受性和正當degree係一樣. 分別係pt degree會係限定時間迫你讀到個degree出來, 而後者則free d, 但係會令到係懶懶閒咁. 因為有時讀得辛苦時會放長線咁讀. 現在好多u都會比你揀一個sem係修讀幾多科(如2至3科一季).

2. 你個朋友中七程度. 基本上都有學系會收. 但係有d科目會要求一d學生有higher dip先收. 視乎學科的收生要求. 但係佢28歲, 好似我以上咁話可以用mature student的身份咁去報, 佢有銀行mortage經驗, 例如佢讀返一d financial的科別. 咁都可以用工作經驗去報讀.

3. hku space入面的degree幾好, 但係其他因素都好重要, 如上課地點, 入面degree所修讀的科目有無興趣, 同外國咩u合辦等等. 你可以看看以下:

http://hkuspace.hku.hk/web_course/course_cat.php?content=eng
http://www.cuhk.edu.hk/v6/b5/
http://www.ust.hk/en/index.html
http://www.cityu.edu.hk/
http://www.hkbu.edu.hk/eng-ver/index.php
http://www.polyu.edu.hk/cpa/polyu/main/main_e.php#

4. 我同的你個朋友差不多. 上年先讀完個degree. 講真真係唔易, 因為當你又要返工, 放工後又要返學, 個人都好攰, 而且六日仲要做功課. 真係想死咁濟. 寫論文個一排仲慘, 每日放工返到屋企第一時間就係開著個電腦找資料. 所以如果佢已經好多年無返過學, 最好找些短期課程試一試, 看看自己頂唔頂得住.

5. pt course短則一年, 長則2-3年. 但如果係遙距就可以攤長嚟讀. 不過你唔好話輕鬆. 有時長痛不如短痛. 現在讀個degree要成5-10萬到, 平貴不一. 我聽講ive - sharp學院, 現在都有同外國u合辦. 佢就比較平d. 有d大學就分一科科咁計.

最後, 記得看清楚,問清楚同諗清楚先去, 唔好徒錢呀, 叫佢努力啦.