要分開還再一齊呢?

你所講的情況, 除左要睇下你仲鐘唔鐘意你男友之外, 最重要的, 你係唔係現實主意者 ?? 因如你覺得雙方都要有經濟基礎先可以結婚 (你咁諗唔係錯, 我甚至好同意你咁諗添), 咁你就應該的起心肝, 搵過第二位可以照顧你的男友了。因為, 莫講話幸福, 而家你男友根本比唔到任何野你, 仲調轉頭要你擔心佢添。

而且, 你仲話你家下日日做錯野, 如繼續落去, 你兩位都真係好不堪設想囉。

只不過, 如果你仲鐘意佢, 仲覺得佢可以重新振作, 對佢仲有希望的話, 咁你唯有再捱多段時間, 唔使急住同佢分手, 順其自然少少, 比多少少時間佢囉。老實講, 除左以上建議, 我無任何方法教你點令你男友振作, 相信你都無, 係咪 ??? 因而家係好睇佢自己囉。

但, 我可以同你分享少少心得。首先, 聽你所講, 你男友絕對唔係 d 咁懶的人。相反, 佢一早仲同你有晒計劃, 亦有努力過搵錢。只不過, 一來香港地生活實在太艱辛。二來, 唔通佢暫時搵唔到野做, 你叫佢去做麥當奴家鄉雞咩 ?? 佢而家真的有佢自己既難處, 就算你唔知係咩問題, 但一定要明白佢既苦況。體諒佢, 用最大的包容之心對佢, 默默支持佢。就算到最後真的要分開, 咁至少你都努力過丫麻 ~~

你要知道, 就算再無出息的人, 點都唔會從少的志願就係要日日在屋企打機過世的, 只不過現實往往就令人咁痛苦不堪。你離開佢係正確的決定。但你如成功同佢走過呢一段難關, 你就係一位好成功的人。

你唔可以晌佢意志最消沉的時候離開佢,應該慢慢引導佢扶佢重新做人,用時間了解下佢心裡想什麼,男人自尊心好重又要面,未必即刻將內心的事同你講,要耐性咖,7年時間唔係短日子,咁樣就話要分手,經唔起考驗學咩人儲錢結婚呀!你可偷偷地先向佢家人朋友方面入手,攞d意見睇下點幫佢為上策,唔好咁輕易放棄一段感情.

可能佢真的有苦衷呢~或者你可以搵個時間同佢傾下,表達下自己既感受,等佢知道你好為佢擔心,并且承諾自己願意跟他坎過這段日子,等佢可以放心咁全心咁話你知發生了什麼事才會意志消沈,千萬不要用硬的,咁樣不但不能解決問題,只會令到大家愈來愈僵咋~

加油呀~兩個人相處最重要是坦誠相待嘛...........

你同你男朋友講:
你再係咁樣一PAT爛泥咁, 我就打算同你分手, 咁你想點先?
你一係即極找工作, 由低做起都無所謂, 總之唔好一日打機.
你唔通唔為我唸下架咩 ? 我跟住你7年喇. 無哂青春喇.
你係唔係想同我結婚生仔架 ? 如果唔想, 我找過個男人架喇.
到時你唔好怪我無情無義呀!