點樣煲魚湯？

點樣煲魚湯？
先將魚去內臟, 洗淨, 索乾水, 然後用燒熱隻鑊, 加少少油, 加薑片, 中火略煎, 魚o既兩面都煎過, 就開高火, 加入滾水, 記住係要滾水, (咁d魚湯至會係奶白色), 大火滾5分鐘, 然後轉細火, 再滾多45分鐘, 加鹽, 即成
可唔可以魚頭或魚尾煲？
當然可以, 魚頭就滾豆腐, 方法同上, 再加入滾水之後, d湯滾起就加埋豆腐
木瓜就滾魚尾湯囉.

需唔要去魚眼或骨？
唔需要

係超市買個d需唔需要自己去內臟？
當然要去內臟

係咪要用魚湯袋？
視乎需要, 如果你屋企有小朋友, 又驚佢唔小心, 哽骨, 咁就用魚湯袋
係邊度買？
街市o既雜貨鋪就有架喇

用咩魚可以煲得又平又好味？
街市十蚊一份o既疏蘿魚, 好多做魚湯米線o既鋪頭都係用呢種魚, 就係貪佢又平又好味.

2007-11-02 14:08:13 補充：
魚頭都係要洗淨, 索水, 起油鑊, 煎過, 再開大個火, 加入滾水.如果你要用魚湯袋, 就係煎好之後, 放個魚頭入魚湯袋, 加滾水至鑊中, 至返個魚頭落去, 再滾起, 至加豆腐.

魚頭或魚尾都得, 平啲可以買$10份紅衫魚(夠2個人), 街市會比超市平, 他們會幫你去內臟, 回家只須沖乾淨, 我本人唔喜歡用魚湯袋, 新買回來時洗完都潺潺的, 好似有化學品, 好驚冇益, 通常煲完用隔'茜'隔開啲骨, 記住用薑煎吓條魚先, 啲湯就會奶白色, 好甜。

煲魚湯一定要煎過條魚sin得ga..
我會洗好同用菜刀刮走d魚鱗..
一般魚都已經去左內臟..
但係你都要洗下入面..
如果去得唔乾淨,就要自己去..
唔駛去骨同眼呢,可以用頭或尾的,魚一開二囉~
但係你煲幾大煲sin..?
3個人飲,半條都夠..但係煲一大煲就最好一條啦..
唔足料咪waste左煲湯~
用小小生粉拍下條魚..落d 薑同蒜頭爆香(for辟味),魚落鑊煎~
煎到兩邊金金地色就可以用黎煲湯~
好多魚都可以煲湯,可以去街市睇下邊d新鮮同埋抵買..唔sure可以問佢可唔可以用黎煲湯~
如果有相熟魚檔,咪同佢講你想煲湯..叫佢幫你揀條平同靚既~通常佢地做熟客生意..
唔會呃你既..
之於魚湯袋..10蚊店,雜貨店一定有,supermarket有d都有ga..
如果唔用魚湯袋..你"筆"湯成唔搞煲底..都唔會影響到~

可唔可以魚頭或魚尾煲？ 可以
需唔要去魚眼或骨？不用
係超市買個d需唔需要自己去內臟？唔想自己去內臟, 試下買果陳叫魚販先清理內臟
係咪要用魚湯袋？我覺得多細骨魚, 最好用魚湯袋
係邊度買？家品店應該有得買

用咩魚可以煲得又平又好味？
想好味d 煲湯前, 放係鑊煎一煎會無咁腥,

大魚頭豆腐湯







圖片參考：http://www.foodno1.com/menu/food-tt-recipe-ch/food-recipe-ch-soup/image/food-tt-20000503a01.jpg

材料
大 魚 頭 1 個
豆 腐 1 塊
節 瓜 1 個
薑 2 片

調味份量
鹽 1 / 2 茶 匙
胡 椒 粉 少 許



做法

大 魚 頭 切 開 洗 淨 抹 乾 ， 加 調 味 料 拌 勻 略 醃 片 刻 。
豆 腐 用 清 水 浸 過 面 。
節 瓜 刮 去 皮 切 中 大 塊 。
燒 熱 鍋 加 薑 片 ， 略 煎 大 魚 頭 ， 魚 頭 及 薑 片 取 出 放 碟 。
煲 滾 水 4 杯 ， 加 魚 頭 、 豆 腐 及 、 節 瓜 及 薑 片 ， 水 滾 後 轉 中 火 煮 至 材 料 熟 透 ， 加 鹽 味 ， 即 可 。








圖片參考：http://www.foodno1.com/efoodno1/ingredients/food-fish-big-head.jpg


圖片參考：http://www.foodno1.com/efoodno1/ingredients/food-tofu.jpg


圖片參考：http://www.foodno1.com/efoodno1/ingredients/food-gourd-wax.jpg


大 魚 頭
豆 腐
節 瓜




好多種魚都可煲湯的，但我經驗來說，以下幾種都是極佳之選擇：
金錢斑仔、石狗公、釘公、紅汀、石汀、石崇。
由於上述除紅汀較少見外，其他的幾種在街市都幾常見。
以下係做法容易又非常美味的湯做法：
1 蕃茄豆腐魚湯
買了上述其中一款，一份約4-5條魚之後，請魚販將魚劏好，回家將之沖水，
將4-5個蕃茄洗淨切成1開8，薑2片、薯仔2個去皮洗淨切成1開8，豬瘦肉片5蚊
燒水6-8碗，水滾後將蕃茄、薑、薯仔、豬放入煲內，
將魚兩面略煎，放埋入煲內，水再滾後校細火，煲1個半鐘就搞掂！
2 沙參、王竹、百合煲魚湯
基本上同蕃茄豆腐魚湯做法相同，只係將蕃茄、薑、薯仔、豬改成沙參、王竹、百合。
而沙參、王竹、百合可去藥材舖買$10，足夠分2次煲了。
秋冬季節喉乾較合用湯2
由於魚已非常有鮮味，所以不建議加鹽或調味料。
不建議用淡水魚，因易湯凍就有腥味