感情煩惱…我應該點做？(急)

其實感情問題其他人好難比決定你, 由你個情況去睇, 我個人認為你既然都知道A係鍾意你, 我相信佢係怕一發展另一種關係你地之間朋友關係唔同左, 假若將來一齊之後有問題唔夾先分開可能連朋友都無得做啦, 所以你可以諗清楚呢個後果, 如果你都覺得好想知答案未直接問清楚A佢對自己係點, 鍾意定唔鍾意? 之後會唔會一齊未順其自然, 唔一定一講完就要即時關係變晒啫, 至於點慢慢改變未你同A好好溝通左先囉, 一來可以了結自己的煩惱, 二來講清左你又唔需要煩應該點面對A或B, 至於B我都認同A的講法, B咁講都係只想你心軟同佢上床居多, 呢種人小心為上, 雖則佢可能係真心對你也不為奇, 但...如果你自己係唔可以接受婚前性行為, 咁就唔好比任何機會佢, 無論佢講得幾好聽都係另有目的呢!
當然, 假若A回答你係鍾意但唔想改變關係時, 都唔可以因為咁而放縱自己交比B呀! 做唔到情侣做一對知心好友都可以啫, 未將感情昇華囉, 雖然咁講好似好易, 但總好過連朋友都無得做連見面都無嘛, 係未? 至於B, 睇你自己係想要一個人對自己好定係要煩惱囉, 每個女仔都想有自己唔討厭的異性主動對自己好, 呢個係天性, 但如果你唔考慮會同呢個人長久加上你個心都仲係未可以放開A, 咁可能真係要好好諗清楚你對B係貪戀佢的甜言蜜語定係自己真係想同佢發展...呢樣係無人可以答到你, 要認真問自己有幾緊張B呢個人囉!
青春有限, 唔好等時間過, 過左先後悔無機會問過到時就會太遲囉! 有機會就好好珍惜啦!
"對的時間遇到對的人係幸福, 對的時間遇到錯的人係無奈, 錯的時間遇到對的人係命運作弄, 錯的時間遇到錯的人係可悲"

我覺得B係果d玩感情既人...
becoz你話佢成日想同你上床..
證明佢係一個重性多於情既人...

而A就成日關心你...
仲有佢有叫到你諗清楚…
要好好保護自己…
免得將來會後悔…
咁樣都證明佢唔想令到你受傷...
其實佢喺行動,說話方面已經證明到俾你睇..
佢有幾關心你,保護你,重視你.......

如果我係你,我會揀A...
A好人過B.....
A關心多過B....

其實『我愛你』唔駛成日掛喺嘴邊...
放喺心入面已經足夠....
祝你決定到你要同誰一齊喇!!!

2007-11-11 02:12:43 補充：
其實『我愛你』或『鐘意你』唔駛成日掛喺嘴邊...

呀a可能本身唔知道咩叫love
佢驚自己感覺錯誤
so唔想同你拍拖
其實love who都係你自己決定
如果係我我會同b一起
因為佢始終係你男友

拖住先！遲D自有答案.比D時間自己諗.睇.清楚.我唔想你發生咗再後悔.對於B君我對佢睇法期終有保留,江山易移.本性難改,做男朋友.老公自己会好痛苦咖.玩吓冇所謂.但...你又唔係果種人.我希望你諗諗諗...再諗諗諗...千其唔好煩同冲動會影響自己思維咖.知道嗎！我覺得A同B都唔好太明顯向佢哋表態.試吓調換角色.等佢哋急吓都好啊,果時候你会知道需要邊一果.總之唔好傷到自己！哈哈...祝你好運喔！

2007-11-13 10:19:44 補充：
我有个朋友(香蕉俱樂部主席)看完之後想為你再補充一些, 第一: 好明顯B想食你嘅猪,初夜無價吖嘛,男人氹女上床,乜都会講,我也一樣哈哈!醒少少! 第二: A发觉瘦田無人耕，耕開有人掙的道理,雄性动物本性就鍾意爭嘢,爭到後就會掉棄,試多幾次你就明架啦!續下...

2007-11-13 10:20:58 補充：
第三:你自己都知自己鍾意係A,而B只是代替品來的.頂頂癮無防,你都係想享受戀愛的感覺姐,不如就揾件自己鐘意果件玩啦,起碼這階段係自己鍾意的. 第四:你問咁多都係想人支持你的選擇. 第五:照你的問題,我估你應該很細,你應該經歷多幾年人,你就會懂得怎去選擇了!你還年輕,大把青春,玩得起!亦輸得起,無必要再煩,年青人要有一些過去先懂得成長! 第六:我香蕉俱樂部主席,祝你有個精彩又燦爛的青春歲月!你有運呀!我好少比錢人袋架!BYE BYE.

我覺得你因為你唔知A對你的心意，才搵B做你個水泡，也因為B好識得講甜言蜜語令到你好冧，可能只是個假象，不如你主動向A講你鍾意佢，逼佢作出回應啦，咁講對你地三個人都公平D，你要諗清楚你自己真正心意啊~

2007-11-02 12:53:21 補充：
我覺得你真係鍾意A多D，因為始終你對A有幾年感情。而B只是識得講甜言蜜語哄你令你有種錯覺罷了，並非真實感情~ 我又覺得B都係會為上床而呃女仔0個種人，佢見你係處女，當然落足心機講盡甜言蜜語哄你比佢啦，你千祈唔好因為佢講甜言蜜語而暈哂大浪乜都比佢呀~~(講下甜言蜜語又唔駛死0既，可能佢都唔知呃左幾多個處女同佢咩咩喇)

2007-11-03 16:26:25 補充：
我諗A係唔識花言巧語的老實人，所以你想佢講D肉麻野係好難0既，依D你無得嬲佢0既，依D係佢個性格問題，唔會隨便比任何承諾比女仔~ 至於B可能佢淨係識得講又做唔到0既人，你唔好咁耳仔軟啦.......男人淨係得把口係信唔過架，肉麻0既大話係人都識講啦，睇下你講唔講之嘛~講下又唔駛比錢或者去死0既，講多都無妨架，最緊要係你受哄到乜都比哂佢，咁佢咪達到目的囉~ 明唔明白呀? 好男人唔會輕易比任何承諾架，比左承諾又做唔到咪盞你更傷心!!

你話"係對A對到很累…好想有人對你好…所以B既出現…就令你毅然應承左佢了" 就憑e句你就應該仲係鍾意A....至於B..我都覺得佢唔係好人,同你識左一個禮拜就話鍾意你,想同你一齊,不過一齊左又想同你上床-.-咁既人......自己認真諗下啦! 你話"點解咁既情況下A都唔肯同你講佢鍾意你"如果係我都唔講啦,因為知道你同第二個男仔拍緊拖wo...咁你既然同第二個男仔拍緊拖,就應該係鍾意第二個男仔ga啦,佢點開口同你講呀!你到底鍾意邊個,同邊個一齊e d問題真係要你自己決定......如果自己仲係深深愛上A,就......!