我的龜係咪死左!?(20點)

首先等我講下養龜既基本野俾你知
1養龜既水一定要先裝起佢,再擺0係度約1日,因為咁樣先可以散走d氯氣,如果你就咁即刻將水喉水俾隻龜,氯氣會對佢地造成傷害。同埋要經常換水,我一般都係隔日換一次水,每個星期洗一次缸(用熱水消毒)
2宜家天氣開始涼,你要買支暖管俾佢地,暖管可以調整水溫,一般調到25度左右就岩。如果你唔用暖管,D龜會好易冷親生病,特別係幼龜,一但冷親嚴重D肺炎既話,好大機會會死,而且其實任何動物都係,冬眠對佢地都係冇益的,龜都係一樣,唔應該俾佢冬眠。
如果你冇既最好快D去買啦,價錢都只係幾十蚊,如果你唔識買你可以去金魚街,入去問人話想買暖管用黎養龜,佢地會幫你揀。
3新龜買番黎一般都唔肯食野,因為未適應到,唔食都識唔到佢地。但都要注意番你餵既野係咪岩佢地食,例如幼龜一定要買D幼龜糧,太大粒佢地根本食唔到,同埋可以買D蝦乾,剪到細細粒俾佢地食。
4你養既係咩龜? 如果係幼水龜D水位都唔可以太高,岩岩過左佢地個殼就可以,同埋你要俾D假山假石等等俾佢地可以爬上岸,龜唔可以不停0係水入面(除左小部份)
5每日都要俾佢地曬下陽光,咁樣可以幫助佢地甲殼生長同幫助消化,龜仲會0係陽光中吸引營養。

牠以經死了

佢地好似無冬眠架 , 因為我屋企隻龜都無 , 只係比平時食少左野o者 ..

佢地死既原因有好多種架喎 , 要是乎番你隻龜 ..

佢地係唔會縮個頭入去先死既 , 因為通常死都係放鬆晒正個身體的 , 所以佢死既時候個頭就一定係伸左出黎的 .

水要每日換一次或兩次 ..

呢d時候佢地係唔係幾食野架 , 你比d乜佢地食呀 ? 有時可能係d野唔o岩佢地食都未定 ..

有陽光既時候 , 不妨比佢地晒下 , 但唔係長期爆晒 , 可以試下比佢地晒一段時候 , 佢地會感覺好舒服的 , 而且也可以在陽光下殺死佢身上既一d細菌 , 都幾好架 , 可以試下 ..

係因為佢地有病,所以唔食野囉!!!!
佢地中意伸咪伸唔伸咪唔伸囉,
佢地好難會餓死,通常病死,
一日換一次水,如果唔係會好臭!!!!!!
好運啦!!!!

Yes,是死亡.

冬眠係會伸個頭出黎
佢地唔會縮個頭入去先死
佢地死會硬
七天換一次水

佢地唔會縮個頭入去先死,一個星期換一次水,佢地通常死既原因;唔夠氧氣,佢地冬眠係唔會伸個頭出黎.

係死左...