現時邊幾隻外幣有升值潛力? 風險如何?

都係o個句啦...
樓主你是想以什麼方式投資外幣的?
是孖展還是銀行貨幣定期?
兩者在做法上有一定差異,
所以必須留意.

如果你話做銀行定期等等唔涉及孖展ge方式,
建議長渣澳元,
相比之下...e+最當道ge澳元同加元...
澳元息口比較高, 係利息方面可以勝過加元,
而且加元ge升勢其實都行左好多,
雖然整體黎講08年大方向都係升,
不過水位就好難講.
紐元係最高息ge貨幣,
不過其實有睇到我其他解答的話都會見到我成日都講緊一樣野
紐元息口見頂.
一隻息口見頂ge貨幣姑勿論佢會唔會跌,
但係升勢都好難強得去邊.
而且紐元e+行緊上落市,
做定期or高息掛勾好易會蝕番轉頭所以唔建議
歐洲貨幣中歐元睇落去係最有力升,
不過我個人評估今年內都幾難再上破見1.46o個d位置,
畢竟其實歐盟入面有d國家已經承受唔到歐元ge強勢而開腔,
所以睇法上個人認為都係持平.

至於如果你做ge係孖展倉,
日圓紐元加元都係好好ge選擇,
首先因為新近美國有兩間投資銀行評級被降拖累左股市,
亦都令到一套息交易平倉導致日圓上升.
日圓見番115o個d位置可以買入,
暫時區間可以睇到去113左右位置
如果適逢平倉盤出現隨時有意外驚喜.
紐元, 雖然息口見頂...
但其高息仍然吸引到一定ge投資者投資落去,
行緊區間0.74-0.77, 有位睇有咩事破位可以即刻止蝕甚至反手...
風險相對地低
加元, 貴金屬同油價都撐住隻加元,
基本上見0.95都已經買得過...
因為加元基本上唔多回調,
破0.96先行止蝕就ok