買澳元好..定紐元好..定加元好呢???

呢排好多人問澳紐加呢...
唔通真係多左人留意外匯@@
呵呵~~

澳元 V.S. 紐元 V.S. 加元

利率:
澳元現在官方年利率做緊6.5%, 加元官方年利率為4.5%, 紐元官方年利率為8.25%
驟眼睇紐元利率為三者之冠, 但係唔好開心住,
紐西蘭央行之前已經講明唔會再加息, 即係紐元息口見頂,
但澳,加仍然有加息的空間, 而現在市場的主導仍然是息口走勢,
所以有加息前景的貨幣即係澳元加元相對會比較吃香, 走勢會比較明朗.

經濟環境:
澳洲及加拿大均為出口國, 澳洲主出產各類貴金屬, 而加拿大則為石油及貴金屬出產國, 其實石油輸出國組織秘書長早前已經發表過講話稱石油價格過高將影響全球經濟, 而且其升幅不過是因為一些基金投機客借中東局勢不穩借勢"炒起", 故如果其價格再上揚, 不排除會在來屆的OPEC會議上討論增產以調低價格. 當然這個只是一個可能性的消息, 但確實, 如石油價格再大幅上揚將對各國做成嚴重的通脹問題, 到時相信會有一定的壓力例如國家ge大幅沽售盤導致油價大幅回落, 故石油的前景其實不宜過分看好. 但相對來說, 因為貴金屬一直都是供不應求, 而且鮮有增產之行動, 故貴金屬的價格相對可看高一線, 而澳洲加國同為主要出產國之一, 相信貴金屬價格的上升亦可大幅帶動澳元/加元的升勢, 而如果你話比較兩者, 雖然加國同產石油同埋貴金屬, 但係相對地我都係會睇高澳元一線, 畢竟其實睇番一d過往ge紀錄, 加國ge經濟環境都幾受鄰接ge美國影響, 所以尤其e+個美國經濟麻麻地, 怕會影響到加國ge經濟, 相反澳洲就無呢方面ge問題.

貨幣走勢:
誠然, 加元的升勢相信會比澳元的升勢來得急勁, 但是在套息交易仍然活躍的時候, 高息貨幣例如澳紐等的買盤是絕對可以帶動其貨幣自身的長期升勢. 而加元因為跟日圓等同屬間接報價的貨幣, 相對而言就會缺乏呢方面ge優勢存在. 另外一提, 可能會有人話日Yen現在升勢凌厲, 咁套息交易唔係反而會大瀉而拖累澳紐等貨幣咩. 但可以留意一下, 日Yen由116左右升至113時, 交叉盤的價格仍然"企硬", 可見此次日圓升勢並非由套息交易平倉引起, 所以相對而言如果投資到澳/紐元(兌美元)的風險就沒之前那麼大了

結論:
個人認為如果你追求的, 是高息貨幣長期收息為主, 澳元會比較合適; 而如果你是想於中短期內獲得較高回報, 則首選加元.
而如果你想投資該3種貨幣的話...
澳元如果挨近0.91就可以買入, 目標0.95, 破0.9080孖展倉要先行止蝕, 破0.9 實貨倉都要走.
加元, 其實加元佢係一直升升升無回過咁濟- -所以都幾難睇位...如果你做孖展倉最好資金鬆動d比較好, 大概防守個100點就夠哂
紐元...唔太建議做定期...做孖展方式會比較好因為佢行緊上落市, 區間為0.74-0.77